相信依家大家都好希望拎到入場劵與球星見面！咁依家就先留意一下我地既文章！

今日又係同大家介紹 基斯保羅 Chris Paul！

琴日既文章講到 基斯保羅 Chris Paul 既高中以及大學既經歷，

今日就等我地睇睇呢位以 靈活腦袋 聞名球場既控球後衛（Point Guard）入到NBA後既故事啦！

相信就算你未睇過、無乜點留意過NBA資訊，

只要有留意我地 Nike League 2011 Reporter ，尤其是係我同 Fung 既報導，

都會知道 基斯保羅 Chris Paul 係2006年NBA 選秀會中 以 首輪第4順位 被 新奧爾良大黃蜂隊 揀中，

從此就展開左佢既 NBA職業籃球員生涯！

 基斯保羅 Chris Paul 既綽號 CP3 來自 佢名字既簡寫 以及 其背號！

我地 Nike League 2011 Reporter --- Fung 亦都好有心思咁為佢設計左一個 標誌！

呢個標誌 隱藏住 C、P、3 ！讚讚讚！

依家我地就先黎睇一睇一段由網友 danobball5 製作，關於 基斯保羅 Chris Paul 既影片！

係加入 NBA 短短6年間 基斯保羅 Chris Paul 已經拎過許多許多唔同既獎項：

# 2006 年最佳新秀

# 2006年最佳新秀一隊

# 3次 NBA 明星賽成員

# 3次 進入NBA 最佳15人陣容

# 3次 進入NBA 最佳防守陣容

當然，要獲取呢一d獎項，背後需要強勁既球賽數據支持！以下就係 基斯保羅 Chris Paul 生涯至今數據！

就我所知既數據 以及 幾年黎睇波既經驗，

基斯保羅 Chris Paul 係一個用 腦袋同技巧 去彌補自己體型上不足既球員。

縱使有人覺得 基斯保羅 Chris Paul 只係用 賭博性既防守 去製造數據，

但我認為，正正因為 基斯保羅 Chris Paul 先天身體質素不及別人，

所以佢先需要用到 侵略性防守，去為球隊爭取每一個化防守為進攻既機會！

6年時間， 基斯保羅 Chris Paul 已經由一個年輕小伙子，變成聯盟頂級後衛，

付出過既努力，將會化為碩果，佢既態度，亦係我認為 Jordan Brand 願意揀佢作為代言人既主要因素！

無論睇緊呢篇文章既你，識唔識打籃球、中唔中意籃球都好，

都希望你，能夠更了解呢一位球星，更重要既係學習佢既態度，共勉之。

哎哎，差d唔記得左今日既問題！

本日問題： 基斯保羅 Chris Paul 係邊一個運動品牌既代言人？（提示：兩隻英文字母簡寫！）

答案就是上方日誌 的 密碼！