有留意我地特派員日誌既讀者都會知道，今日就係 Nike League 2011 三人賽 分組賽以及決賽大日子！
我地每位 Nike League 2011 特派員 將會分工合作，分別為大家報導不同組別既賽事！
而我 Isaac 則會同 Kevin 聯手主力為大家帶來 U16 組別既三人賽精彩片段！
首先為大家送上 U16 銀鷹打比 ---- 銀鷹1隊 VS 銀鷹3隊 既賽事！
銀鷹1隊 同 銀鷹3隊 於初賽分別以 B組首名 以及E組首名資格出線，晉身分組賽！
要知道 Nike League 一直都係青少年籃球界既最高殿堂，精英云集，同一隊伍中有兩小隊晉級並非易事，
可見 銀鷹隊 底蘊不俗，而以 89號歐文卓、55號林國強 等球隊先發球員為主力既 銀鷹3隊，頗具冠軍相！
由於是隊內大戰，銀鷹教練 王丹Sir 自然希望兩小隊留力對付其他隊伍，可觀性偏低，
球賽內容主要以 Inside Out、外線投射為主，防守亦比較寬鬆，避免造成球員受傷情況出現，
賽事最後結果為： 銀鷹1隊 19：33 銀鷹3隊。
緊接其後既係 U16 天蝠3隊 VS 翼龍1隊，前者穿著白色球衣、後者穿著綠色球衣作賽。
兩隊陣容都主要為球隊先發球員，天蝠3隊成員多為後衛，當然唔少得今屆 U16選秀狀元 62號李啟政！
而翼龍1隊則比較多鋒線球員，比起天蝠3隊既球員更為健碩，兩隊隊型南轅北轍，相對上場更有「睇頭」！
# 搶球情況如此激烈，於賽事中比比皆是。
天蝠3隊既然以後衛球員為主，戰術多為由一位球員剷入內線再分球，以外圍或中距離投射作收尾；
翼龍1隊主要係高大既鋒線，以強爆內線、背框進攻為主要得分手段，以及用身型優勢造成對隊防守 Miss-match！
或者亦因為身型條件，不論防守抑或進攻籃球主要都落係翼龍1隊球員手中，造成更多二次進攻機會，
但就算再多 Miss-match、再多「摘桔」(從對方手上搶走籃板球)，天蝠3隊球員亦奮力防守及搶籃板，
可惜奮鬥心未能令佢地創造「以小博大」奇蹟，以矮小後衛打倒壯碩內線，但佢地已經展現出「Just Do It」精神！
賽事最後結果為：天蝠3隊 5：20 翼龍1隊。
分組賽既報導告一段落！想知道總冠軍花落誰家？請留意下一篇日誌！
當然，如果你希望了解更多Nike League 2011 3人賽 U16賽果，你可以到特派員 Kevin 既日誌睇睇！
網址：http://blog.qooza.hk/kevinwht
亦可以到其他特派員日誌關注其他組別賽事：http://blog.qooza.hk/nikebbl2011.php
