總於黎到冠軍戰既報導！冠軍寶座究竟會屬於 銀鷹3隊，定抑或落入 翼龍1隊 手中呢？

Nike League 2011 特派員 Kevin 將會為大家帶黎 銀鷹3隊 既介紹，

而我 Nike League 2011 特派員 Isaac 則會為各位送上 翼龍1隊 既簡介以及貼身追蹤！

翼龍1隊 陣容包括：24號張力友、49號鄭柏圩、50號林俊光、82號何俊杰、86號蔡鴻興

而領隊主教練為：吳家俊教練、鄧華超教練

正如我剛在上一篇日誌中提及，翼龍1隊 球員以內線球員為主，當然這亦跟 吳教練 的位置有關！

於比賽前曾與 吳教練 談及 翼龍隊 比較多鋒線球員，而教練亦坦言 自己於球隊打內線位置，

因而對內線知識比較豐富，故於Nike League 2011 U16選秀中挑選較多高大壯碩的球員，

期望能夠將自己所學、所知道、所想明白的，都教懂這一群未來的「籃底野獸」！

# 於賽前先部處戰術，務求更成功得分。

# 開賽之前當然唔少得為球隊打打氣！ 

於比賽初段，翼龍1隊隊員 曾經以強碩既身型於內線取得優勢，頻頻於籃底得分，

但其後被 銀鷹3隊球員 以快攻壓過，用速度撕開 翼龍1隊 防線，緊貼比分甚至反超前，於上半場完結時落後 7 分！

亦因為兩隊希望爭冠，比賽肢體碰撞亦比較多，搶球時打手、搶籃板球「孭位」有手部動作等 亦造成更多犯規，

兩隊勝負分野，其實往往就是一球半球罰球之差，別小看每一分，它可能使球隊追平，更甚至成為致勝球。

最後，翼龍1隊 以4分落敗屈居次席。

賽後，翼龍隊 並沒有人埋怨，包括教練、隊員，吳教練 更對眾球員加以表揚，認為走到決賽已經是「Bonus」。

於我眼中，翼龍隊 絕對是一隊 開心既團隊，不論教練，抑底球員，都好從容、好輕鬆咁面對每場賽事，

輸左，無人會喊，因為知道「邊度跌低，就由邊度起返身」，當無力重新企起來，亦有朋伴扶持，

「邦邦邦」的打氣棒聲不斷，無錯，係 翼龍隊 球員既特色，吵吵鬧鬧，就好似係一幫球場上既「壞孩子」，

呢隊波，令我諗起90年代 NBA 「壞孩子」活塞隊，佢地的確一樣以 積極防守、好勇鬥狠聞名球場，

但更重要既係，每個人都願意為球隊打氣、為球隊犧牲，只有佢地先可以組成「團隊」，「We > Me」。

期望 翼龍隊 能夠於 Nike League 2011 五人賽 U16組別 再一次取得佳績，

在此引用一下 翼龍隊吳家俊教練既一句說話：「輸波，唔代表你就咁玩完。相反，佢，只係一個開始。」

Just Do It .