學食神蹈蹈話齋，打邊爐最緊要係湯底同d料新鮮，係北斗翁唔單止有齊，仲有舒服既環境﹗

約三五知己食飯，地點好緊要，約係銅鑼灣，食完仲可以去行街~ 利舞台都係一個好方便既地點，上面全部都係食店，真係可以試完一間到一間。

一入到門已經feel到環境幾好，D枱好寬落，而裝修走moden氣派style，又有海鮮池，嘩! 魚蝦蟹包鮑隻隻都好生猛!

一坐低，服務員都好醒目拎好個調味架，味架有8款大路既蔥花醬汁，而酒水就叫左讚 大吟釀 (720ml $468)同竹蔗水、酸梅湯呢D下火飲品。

點左菜無耐，就上左個瑤柱白粥鍋底($88)，上菜速度都好快下，一陣就上到成枱都係喇~

打邊爐，一定要食牛牛喇，北斗翁既牛款都好多，有D仲係”了lung”部位，今次全部都係女仔，都係點左D正常野好D。

先黎一round牛牛先:

至尊牛肉船 $328

頂級雪花肥牛(大) $228

精選牛脷托(大) $268

牛骨髓 $68

自製牛丸$88

頂級鴕鳥肉 $78

爽脆黑柏葉 $98

未食望到D肥牛咁靚都知好正呀，D肥牛新紅色，D脂肪紋理好平均，滾一滾就食得，好淋好滑!

呢度既海鮮都好正，所以都安排左:

生劏龍躉片(大) $268

脆肉鯇骨腩片 $98

咸淡水鱔片 $108

一向都唔係好鐘意食魚，因為好怕骨，黎打邊爐就一定要點冇骨既脆肉鯇骨腩好正，食得出好新鮮、好爽脆!

打到咁上下，都要食番D主食，

鎮店水餃皇 $98 (每份8隻)

日式野菜籃 $78

黃沙靚豬潤 $88

新鮮鵝腸 $88

手打魚滑 $78

脆口炸腐皮 $58

我特別推介鎮店水餃皇，大大隻，真係做到皮薄靚，仲有黃沙靚豬潤，黎呢度一定要點，因為佢同以前”利苑豬潤粥”一樣，超滑，自己買都好難搵到咁靚既豬潤!

最後一定要食埋碗粥，唔洗另叫架，咪就係個粥底鍋囉，滾過咁多正料後，個粥都係超甜，而且我都幾推介用粥底打邊爐，一來食得番，二來唔洗比D湯搶哂D食材味道!

一行十人，大家都飲飽食醉，大滿足呀! 原來北斗翁朝早有茶市架，下次一定會再黎呀!

感謝PR邀請~

北斗翁頂尊火鍋料理店

銅鑼灣波斯富街99號利舞臺19樓

電話: 2191 7328

營業時間: 星期一至日: 11:00-01:00