happy friday! happy weekend!
銅鑼灣真係好難搵食，雖然食店多，但連鎖式經營亦多(當然比得起錢就食咩都有位)，要是去最近人氣新店(如: 咖啡弄、一蘭)，排隊等1.5小時左右，再加只比你食1個鐘，咁多Limiation我就唔去喇! 不竟HK人通常都係一窩蜂架喇!
前日同朋友行街食飯，無心插柳去到MUJI睇家品，入面有間Cafe，見到環境舒舒服服、可以單點飲品、唔會限時趕你走、唔洗等好耐位 (當晚只需等位15分鐘)，就去一試啦！
MUJI Cafe開業咗4個月，店子格局走簡約木系日式風格，令人感覺好舒服!
 
呢度係自助式店子，店員會先安排坐位，之後我地就自己出去點喜歡的食品喇~
其實Muji Cafe的食品選擇唔多，大概有10款涼菜，10款熱菜，另有飲品供應。
除左套餐外(即3 or 4餸配白飯/十穀飯，每日都Today special。($88~98/set)
雖然款式較少，但單憑外觀，D菜式賣相都不錯! 而muji cafe係堅持食材的質素同健康味道，所謂貴精不貴多!
店子亦有外賣，夠哂方便!
我地分別點左Today Special (咖哩雞肉十穀飯)同4餸十穀飯，大家都覺得十穀米好好味，雖然簡單食材配搭，但調味得唔錯喎! 令我地都有驚喜呢! 簡簡單單一餐，在銅記黎講都係唔錯既選擇!
下次再來時，可試下佢地D Cake同Coffee先!
雖然唔係咩第一手資料，但餐廳環境同食材都唔錯! 如果大家諗唔到去邊到食，都可以考慮下呢~
|
