想不到，旺角也有這種台式美食店，係天般的小浪漫。好有台劇Feel吧？那些年的朋友返黎啦∼∼∼

黎到台式店，又點可以唔飲珍奶？一人一杯，台灣特式呢∼∼

柚子醬油豬腳

冷盤前菜，細心地將豬腳起骨，一口一啖咁。方便女仕們食！配上柚子醬，酸酸尾尾，開胃之選∼∼

三杯大蝦

平時就好鐘意食三杯雞，今次轉咗食大杯！想不到，同樣好味！入味非常，而且仲好惹味。

雖然幾十蚊，但係蝦都唔少，應該有七八舊，蝦肉都幾爽，整得唔錯。

香烤芝士大雞排

鹽酥雞啲FD，勁大塊！大過我隻手掌好多呢∼∼∼一上台，勁香！個外皮仲係脆脆地沙沙聲。睇都睇得出新鮮炸起！

起到芝士絲！可見用料唔係少吧？！炸醬好薄，雞肉嫩滑，配埋個芝士，好正！

西班牙海鮮鑊仔燉飯

唔好以為百零蚊，就會好少料？錯啦！想不到好大碟之餘，仲要海鮮料都唔少喎！

有大蝦、魷魚、青口、帶子等等！足料到爆！而且海鮮都唔差，都幾新鮮呢∼∼個飯是西班牙特式，濕濕地，有上湯去燉，加埋海鮮，更多鮮味∼∼

甜品，這個拼盤好誇張！有大大塊的窩夫！同樣有香滑的士多啤莉雪糕，配上朱古力冬甩。咁多嘢食，女孩子最啱啦∼∼∼