而家好多下午茶，都會CROSS OVER 一啲美妝品牌。想不到越式餐廳Le Soleil 會同韓國美妝品牌TOO COOL FOR SCHOOL合作。好鬼過癮！！！

位於尖沙咀地段帝苑酒店，環境當然一流，十分開揚。

呢個TEA SET 係越式TEA SET。我會認為係男女都啱。女仕可以要埋個靚靚化妝SET。男仕又可以唔係淨食蛋糕有多啲咸點或飽肚嘢食。拍拖黎食，又係唔錯！

咸點方面，有越式大蝦米通、米紙卷、越式沙律。

仲有炸蝦餅、越式春卷等等。咁多款，覺得蝦餅同埋米紙卷就最好食。食材即叫即整不錯呢~~ 而且，呢個天氣食，咁悶熱，食啲無咁熱0既嘢就最好！！

甜點上面，加入了少少的越式元素：有椰汁糕、仲有斑蘭CAKE。椰汁糕夠晒煙韌，而且味道適中。

而呢度最出名的蝴蝶酥都有得食。超好味呢~~ 好食到有衝動想再去買一盒返屋企。

而TOO COOL FOR SCHOOL元素就會有品牌的朱古力片可以讓客人隨意插咗蛋糕上。又幾好玩~~

黎食TEA SET 會有一套TOO COOL FOR SCHOOL 的禮物。都好實用下，唔錯喎~~

Le Soleil  

尖沙咀麼地道69號帝苑酒店3樓