一班人食飯，當然係去食西餐方便啲！第一次黎The Point，想不到也不錯！

位於The One的The Point，不難找，而且半開放，感覺開揚！

先黎飲杯荔枝茶的凍飲飲品，唔太甜，都唔錯！！

香濃野菌湯

HK$58

呢個湯，放得都幾多菌係入面！忌廉都做得幾香濃∼

就咁一匙量，就有好多條的野菌，所以令個湯，變得菇味十足！

廚師精選三式沙律

HK$98

沙律入面，除了有新鮮的沙律菜之外，仲有核桃以及芝士。甘香的芝士，是重點帶出了天然咸香味。加上沙律菜，很Fresh∼∼

香蒜辣椒白酒煮蜆

HK$118

呢度既白酒煮蜆，蜆肉也幾肥美的。而且無沙，很干淨！白酒適中，只是略嫌不夠辣味，但食得到蜆的鮮甜味∼

棒棒雞翼配蜜糖燒烤醬

HK$72 / 4PCS

賣相幾靚，但真係偏貴。如果多多兩隻嘅價錢就差唔多！炸得香脆，加上五香粉，惹味！而且無乜油，食起上黎唔會油立立。配上蜜糖燒烤醬，令惹味度更加上升！

迷迭香烤法國春雞

HK$198

隻雞烤得好靚，色澤均勻，而且唔會好燶！有著淡淡的迷迭香氣，如果再濃多少少，會更加惹味！

胸位略鞋，脾位還不錯，熟度好似過了一點點，但味道上都算入味。

法式香草烤羊架

HK$238

擺盤好靚，而且一碟有三件都算不錯！外表烤得金黃，而且香氣十足！！

切開後，半成熟，是我們要求的。可見火喉控制得不錯！而且不會有血水。烤得很好，羊也不會有人穌味呢∼∼

Posh Hawaiian

HK$168

Pizza外皮邊烤得微燶，香脆。而呢款用料都幾多，分別有焦糖菠蘿、意大利風乾火腿、松子仁、火箭菜、蕃茄醬。

芝士量不俗，拉起上黎起絲的，不錯了吧？