呢間店叫OWL'S好搞笑！係尖沙咀角落，小小一店，賣的東西也很簡單！女孩子至愛的雪糕、忌廉、泡芙！

雪糕款式唔多，只有圖中幾款，但品質好，少款又如何？！

店員講解，先知原來法文叫做Choux，係好似泡芙咁中間加啲Cream、雪糕等等！但Owl's 就會加入雪糕！仲要係Gelato ＆ Sorbet雪芭的混合體！

Red Velvet

HK$58

顏色上，十分靚！係招牌之一！用上雲尼拿杏仁雪糕，外面是紅絲絨泡芙，即係紅莓味！紅撞白，夠晒靚！

不要以為，夾著雪糕，泡芙就會淋晒？原來佢Keep得到都幾脆，這是意外驚喜之處！！

雲尼拿一般我無咁喜歡，但今次加入了杏仁，多了重層次，更香。不錯！

Mango Tango 

HK$58

喜歡鮮果一點、酸一點可以考慮這一款。是用上新鮮芒果Gelato做的！新鮮度一食就知道！芒味十足呢！

中間仲有流心芒果醬，更加正！

Praline Noir

HK$58

喜歡Creamy啲，重口味一點，可以試這個榛子口味的！中間是榛子果仁焦糖雪糕，相較甜一點。還配有脆脆粒粒，令到食起上黎更有口感！

中間仲有流心朱古力醬，好有心思的一道小甜品！！

最後，見佢新鮮出爐的脆脆小泡芙，都同朋友Share買返盒返去食！

仲配有焦糖醬，雖然醬略甜，但新鮮出爐的小泡芙真係好好食！

紙盒包裝都好靚啊！好有心思的純手工小店！