朋友介紹，說8度餐廳的自助餐很抵食！不止有生蠔長腳蟹！更有鵝肝等等美食。單是聽到，已經覺得值得一試！雖說位於土瓜灣，但原來係尖沙咀紅磡等地方，都有免費接駁巴士。咁又幾方便喎~~

黎到食自助餐，主打一定係生蠔！呢度仲要有兩款俾你揀！或者每次要一款都得！即叫即開，絕對新鮮。餐廳會因時節不同有所更換生蠔款式。但有兩款俾你揀，已經強過出面好多啦~~ 

生蠔新鮮而食到有海水味。不會有其他怪味，保持品質高，怪不得咁多人黎呢度食自助餐。

順住個勢去食，發現隔贞有芝士焗龍蝦！足足有我手掌咁大隻！同樣是即叫即焗，新鮮熱辣！

每次排隊，一般是一人半隻，沾滿了香濃芝士。

啖啖肉的口感，絕對是一大享受！

除了海鮮，當然仲有牛扒！

點上燒汁，入口嫩滑！

熟食方的種類都有好多！除了中菜、印度菜，還有西餐款式！

而甜品架，更是讓女仕們興奮起來！

除了切餅款式，還有細細件的小蛋糕款式呢~~

冷盤方面，當然少不了翡翠螺、長腳蟹！

很欣賞這裡的長腳蟹雪味不重，而且不會食咬口一舊舊冰。

食得有長腳蟹的鮮肉味，不錯呢~ 

相信，8度餐廳的自助餐可以說是最齊雪糕款式了吧？不旦有Haagen-Dazs 更有Dryers。一次食幾杯不同款不同口味都可以！

這裡還有很值得一試的一口芝士撻以及蛋撻，放係保溫箱內！

建議大家快搶芝士撻，很多時自助餐一半的時間就俾人搶晒了！

主角當然係即煎鵝肝！仲要成吋厚！好誇張！

一拎到手，已經香氣四溢啦~~ 流晒口水！

入口即溶，加埋個特製醬汁，可以連食幾舊都唔怕！絕對是頭號推薦！

數數下，唔可以漏的還有刺身。款式有六七款俾你揀，數量選擇多！

還有，這裡的湯也是很不錯的哦！

8度餐廳

土瓜灣九龍城道199號8度海逸酒店地下