邊個話食Buffet 一定係五六舊水一個人頭？邊個話三舊水一位唔會有蠔食？咁你就大錯特錯！想不到，係佐敦咁就腳既地段，逸東酒店Metro Buffet & Grill既Buffet 都只係三舊水一位，抵到爛。聽朋友講完，即刻去試啦~~
我哋揀咗坐門口位，雖然離食物bar枱會遠少少，但係就靜好多、都闊落好多。
沙律bar 沙律款式好多，配料都好多，愛素食、沙律的朋友，都會好喜歡。因為蔬菜都好新鮮呢~~
海鮮方面，絕對是五百幾蚊BUFFET 的水準！不單止有大蝦、青口、翡翠螺、仲有長腳蟹、瀨尿蝦、龍蝦仔！
而且仲有生蠔任拎！無限每人每次的數量，唔使點排隊，勁開心！仲有多款刺身俾你任叫添~~
生蠔方面，尚算大小不錯，肥美度OK，新鮮開，很不錯！
另外仲有即燒美食。當中有腸仔、羊架、燒青口、燒菠蘿等等。
燒好熱辣辣，想食邊樣任你拎~~
我哋就揀咗羊架、腸仔同牛扒，燒得剛剛好，不會過熟，肉質仲嫩滑、仲好juicy添~~
而且仲好有巴西燒烤個種風味添~~
甜品BAR，見到個朱古力噴泉就好鬼開心~~ 配料同埋生果糖果種類又夠多。小朋友女仕們就最開心~
蛋糕、西式甜品區更多款式。有細細份的份量，也有自己切的蛋糕份量。每款造型都好靚！
朱古力控就當然揀晒朱古力款的甜品。士多啤莉同樣唔放過！這裡的甜品糕點真係值得一讚！
仲有即叫即焗的梳乎厘，細細個，一人一碗就最開心~~
最正，仲有大大架Movenpick的雪糕車！十幾款雪糕口味任你揀！
仲可以揀埋窩夫、或者十幾廿款的配料俾你點溝都得！
我砌架，係咪好靚呢~~ 基本上無限你要幾多球雪糕，食起上黎更happy 啦~~
三百蚊人頭，真係超抵食！
逸東酒店Metro Buffet & Grill
佐敦彌敦道380號香港逸東酒店大堂樓層 (Lobby)
Lobby, Eaton, Hong Kong, 380 Nathan Road, Jordan
請Like 我的Fans Page，可以有更多互動有趣的分享哦~~
Find Staice at Instagram：
|
