講起食Buffet，拍得住有酒店質素，甚至比酒店更好質素，一定要算上Mr. Steak！

每次要食Mr. Steak 都一定要提早Book位。遇上旺季，或者做推廣，分分鐘要半個月前就要Book定，好誇張架∼∼

食過幾次，喜歡呢度既款式多，同埋質素都KEEP住好好。你睇下冷盤款式都有咁多。單係煙燻肉類都有十款之多。

芝士控見到實好開心，有成五款芝士俾你揀。

當然少不了壽司刺身，又係任食任夾，食得好開心∼∼

香港人喜歡食冷盤海鮮！呢度都有唔少款式。有原隻面包蟹，仲有大大隻龍蝦。長腳蟹當然唔少得啦∼∼

青口、貝類、大蝦等等，全都齊全。先食個長腳蟹，貨源充足，唔使同人搶同人爭。蟹肉無乜雪味，仲食得到蟹鮮，不錯呢∼∼

大過我隻手的龍蝦，唔會切到碎一碎，一黎就開邊。滿足晒各位大胃王啦∼∼而且好易起到龍蝦肉，鮮味都唔錯架！

面包蟹，都好大隻，半邊都有我手掌咁大。最正係膏好多！有紅色的蟹膏及啡黃的色膏。當中的甘黃油香，食起黎很回味。

另一邊廂，仲有一堆的海鮮，並不是冷盤，而是用作燒、焗！也是即日新鮮購入呢∼∼

必食是這個大蜆，肉汁十分多！有唧出黎的肉汁，加上鮮甜度十足！排多幾轉食多個隻啊∼

大廚門馬不停蹄地燒這些新鮮生蠔。生蠔會等耐一點時間，但一定是值得的。

燒蠔很有風味，而且燒得恰到好處，鮮且不會過老。

除了燒蠔，仲可以揀焗蠔呢∼∼

焗蠔有著厚厚芝士，食起黎更為濃郁。是另一種風味呢∼∼

還有必食是新鮮識郁的生燒鮑魚！大大隻，加上燒汁，微脆內裡肉質嫩滑，要食多幾隻啊。

這裡的湯品，日日不同。中湯有燉盅款的湯品，西湯這一天是蘇皮周打海鮮湯。不要以為得少少蝦毛，仲有蜆肉、魷魚等等多種海鮮，用料十足架！湯品要看準時機，搶完要等一輪先會再有架。

想不到，這裡仲有花膠呢∼∼∼∼ 愛美的女仕不能不食吧？

這裡還有日本和牛，嫩滑且牛味濃郁，又係必食之選！

甜品櫃的甜品有數十款之多，求其拎都拎到七八件，就連豆腐花都有啊！很誇張吧？

而且，還可以寫上字句的心太軟甜品。要預先寫定紙仔哦∼∼

雪糕方面有兩三個品牌，當中仲有限定版的雪糕雪條呢∼∼

Mr. Steak 的自助餐，價錢與各大自助餐相若，但款式絕對比一般的多。怪不得咁多人喜歡食了！

Mr. Steak Buffet à la minute

銅鑼灣告士打道280號世貿中心6樓