唔講你哋唔會知，Staice 是打邊爐怪！

也是個大食怪！打親邊爐，我係唔曉飽！食不停！

當然，自己私下也會去搵好食的邊爐！

近年，雞煲盛行，試過一星期，食兩次雞煲都唔出奇！

所以話，要食雞煲冐搵我啦∼XDDDD

今勻，就搵食搵到黎元朗！

由DolphinB帶隊，殺入元朗！

元朗大陂頭徑2-12號華盛樓地下A4-A5舖

老實說，對於不是元朗人，是難找一點！

如果你知道邊度係B仔涼粉。

咁係沿河附近，就會有個公園。

公園附近就係「極品雞煲龍躉火鍋專門店」！

如果你要食裝潢、食服務！對唔住，呢度一定無。

當然唔會係澳牛個啲人咁黑口黑面。

呢度啲侍應都好快手、好NICE。

但始終係街坊生意，唔好諗住係五星級酒店服務。

舖仔係細細，但如果天氣好，可以坐出街。

香港地道感覺，出晒黎！

呢度嘅價位，都好相宜。

就算叫海鮮，都係相宜價位！

黑版還會寫上特色或新鮮的食材！

就算係食鮮鮑魚仔，都係HK＄68/6隻。

呢度叫得做「極品雞煲龍躉煲」，黎呢度，當然叫呢兩款煲！

等緊個煲嘅時候，我哋仲叫咗啲小食！

拍青瓜！夠爽、夠酸，微辣。開胃之選！

再黎多個冷盤木耳，開一開胃∼

重頭戲黎啦∼ 

我哋一行七人，叫咗一個原隻雞的小辣雞煲。

當然，愛辣的朋友可以食辣一啲。

我哋同行有人唔食得咁辣，所以就將就一下！

煮佢一陣，然後就要撈起啦！

如果唔係會黐底架！

WOW好鬼香啊！

色澤好夠！食落去，雞都幾滑！

不過可能我自己食Hoai重口味一啲。

我覺得可以再重味啲，再辣一啲！

但整體黎講，都好好味！

就算之後加湯再煮，都仲有微辣感。

另一重頭戲，就係呢個龍躉煲！

有了龍躉骨及腩部去煮個湯！

奶白色，仲有啲蕃茄係度。

嗱嗱嗱，無呃你，撈起真係有舊龍躉架！

食之前，先飲返啖龍躉湯，濃而且鮮！

單係個湯就己經覺得好好飲！

用呢個湯底去煮熟其他海鮮或是食材，都會添加幾分鮮味！

再睇睇個龍躉骨腩，啖啖魚！

厚實而爽脆！唔可以同一般脆肉鯇相比。

除了本身黎煮湯用的龍躉之外。

我哋還叫咗龍躉片及龍躉腩黎食。

魚肉的質感，也真係一試愛上！

其實黎呢度食龍躉煲係要識揀時間架！

想要食勻龍躉咁多部位。

就要預先打黎問問。

當日，我哋唔係適合時間，只可以食到「水尾」。

即係得返啲腩啊、骨啊個啲部位。

如果想食魚扣、不見天、魚唇、頭腩等等的部位。

就預先打黎，問定幾時有貨啦∼∼

有兩個一辣一鮮嘅煲，就當然要叫不同的食材啦！

先黎帶子！大大粒，唔好講少！

煮完都仲係大大粒，鮮！

黎呢度，有兩款蠔食！

一款係桶蠔！另一款係廣島蠔！

各有特色，而且都好鮮好肥美！

不過個人比較喜歡廣島蠔！∼

還有其他海產，大家都食得津津有味！

牛栢葉，爽脆新鮮！

魚滑，都係值得一試。

當然，雜錦丸，都係唔少得。

除了芝士丸，還有牛筋丸呢∼∼

其他蔬菜，款式都好多。

而且以新鮮見稱！

粟米更是鮮甜得一叫再叫！搶住黎食呢∼

打邊爐，點少得肥牛？

但更有特色的，反倒係手切牛肉！

牛味很濃，而且更爽口彈牙！

海蝦大大隻，而且好爽口呢∼

鮮鮑魚，當然也是必叫的。

新鮮得黎，爽就是最重要！

就連普通的脆鯇，都很不錯！

響鈴，更是少不了的！

食咗咁多，有啲還是安哥了兩碟。

每人都是大約二百元左右。

其實都好抵食！

雖然對港島人黎講，元朗係遠咗啲。

但呢間質素，係抵入黎一試！誠意推介！

剛從韓國回家。

體驗過韓國風情！韓國美食！

也當真的領教過韓國的冷氣！

天真地以為，韓國只是凍香港兩三度。

所以無帶什麽耐寒的衣物！

急急腳想要去買保暖衣，怎料全轉季，乜都買唔到！

好在，皮膚還頂得住......

(閱讀全文)

大家都說，羡慕我的大眼睛！

其實，我對眼，好易會攰、好易眼乾！

所以唔可以帶COLOR CON、大眼仔！

要帶，也頂多帶一日，之後要抖返一個星期。

所以，我是很少帶大眼仔或有色隱形眼鏡的！

工作需要，成日對住部電腦！

對眼越黎越攰，越黎越乾！

因為工作壓力，皮膚也會有了倦容......

(閱讀全文)

我想，真實圖片比較有說服力多一點！

這是用了三天的效果。

由原本有點硬，有點濃但唧不出的狀態。

到三天後就唧晒濃，消緊瘡。

用了曼秀雷敦的「暗瘡除疤啫喱」......

(閱讀全文)

尤如水晶般的系列。

是黎自有著15年歷史的「康和堂」！

康和堂始於是1999年。原本是一間中醫醫療及養生的美療中心。

配合中緊理論、中藥物、草本的天然方法，推廣中醫養生生活概念！

因為這個宗旨，繼而發展出多項業務。

除了有護膚、身體護理等等的療程之外，還推出了極緻的護膚用品！

為了令到我們有更深刻的印象......

(閱讀全文)