自從8月10號放榜之後...我、Erica、Annie、Sue四個人都好少可以見面~

因為大家各有各忙，直到今日先有機會盡情咁玩番日喇!!!^^

12點35分果陣~Erica打電話俾我話佢好悶，跟住就佢傾左一陣，Annie又打

俾我...我話Erica係我隔離，所以我就駁埋三線三個一齊傾~真係好開心呀!!!

傾到1點半~我地就收線...去換衫~十五分鐘之後...打番電話俾Erica，話我攪掂

出得門口...佢叫我去到地鐵站再打電話俾佢出門口就岩岩好~過左十分鐘打俾佢...

佢話出門口，不過我去到7-11都未見到佢...岩岩想打俾佢果陣就黎~哈哈，咁岩都

有既~佢到左之後...因為Sue叫Annie等埋佢一齊先黎~所以我同Erica行左一陣天悅

先join埋佢地兩個再去Erica屋企玩，行到3點打俾Annie問佢地係邊~點知佢話仲係

屋企等緊Sue...我同Erica都好無奈~佢話打俾Sue睇下佢出得去未，等到3點45分~

Annie打黎話佢搭緊車出黎，我問佢係唔係同埋Sue一齊~之後佢話Sue要睇住間舖

出唔到黎...我聽完之後有少少唔開心~應承左我地又唔黎喎，真係俾佢激屎><

我地仲等左佢咁耐~唉!!!好無奈~變左三缺一...算啦，下次仲有機會既

到左4點十五分，我同Erica行去地鐵站join埋Annie一齊~我地又再去多次天悅~

Erica話Annie睇岩咩就送俾佢做生日禮物，睇左一陣Annie睇岩一條鏈...都幾靚既，

又唔係太貴喎~所以Erica就送左俾佢lu...買左禮物俾佢之後~我地終於可以去Erica屋企

玩啦，實在太好喇!!!因為我同Erica行到隻腳好累~上到佢屋企之後，Annie就開e-mail

俾我地睇佢d新同學~load得太耐既關係...睇左兩張就無睇啦~要爭取時間玩"大富翁6"

玩到興奮之際，家姐打電話俾我問我幾時番~跟住無端端有把男仔聲...真係嚇左我一跳~

原來係豪哥哥黎既~哈哈，心血少d都俾佢地嚇屎~到左7點10分我同Annie搭82番屋企啦!!!

番到屋企到差唔多8點lu...

後記：今日見番佢地，大家都無咩點變~仲好似以前一樣咁"天真無邪"...希望Annie會鍾意

我送俾佢既生日禮物啦!!!^^