難得Erica由今日開始連放兩日假，之前我地幾個已經

約定左一齊番學校拎番張HKCEE既Certificate...12點9果陣~

Annie打電話俾我，話佢岩岩放左學...咁我就駁埋三線俾Erica

問佢幾時出得黎，佢話未刷牙、洗面~跟住我同Annie"下...."左一聲，

仲要洗埋碗先得~本來Annie話係地鐵站等埋佢一齊既...不過Erica

話趕唔到~叫Annie唔駛等埋佢住，之後Annie就約左我係地鐵站等..

因為佢想去食糖水喎，Erica就叫我地遲半個鍾打俾佢先至再join埋佢

一齊番學校~我同Annie去到糖水舖...佢食碗豆腐花之後岩岩好半個鍾...

要打俾Erica，我話搭緊地鐵黎緊~本來Annie叫Erica黎糖水舖搵我地~

但係Erica話自己一個行過黎會好悶...所以就話唔黎，叫我地係地鐵站

等佢~過左大約5分鍾...我同Annie由糖水舖行番去地鐵站~到左果陣，

Erica已經黎左~跟住三個行去學校~好耐都無試過一齊行到果條路lu...

不過條路到無變過~仲係有好多伯伯係個涼亭度"捉棋"，到左學校之後~

個感覺同以前一樣都係咁舒服，雖然有好多既"新面孔"...係唔識既~

不過身為師姐既我，都希望佢地會過得開開心心!!!上到去校務處~

要填番個人資料同埋幾條無聊問題之後，就可以拎番張Certificate啦...

拎左之後到2點幾喇，搭番地鐵...我地又去Erica屋企玩，行左一陣碟店~

話咁快Erica就買左兩隻碟...買完就上去lu，去到無幾耐~Annie就上網...

佢話個論壇整唔到簽名檔~整左好多試都唔得，叫我幫佢整喎~

跟住我話試下嫁咋..未必整到，佢話"得啦~得啦"~我整左一次就得左...

真係開心!!!其實好簡單咋...果條link少左個"h"字~話番俾佢聽激屎佢，哈哈^^~

上左個幾鍾之後...我地玩"come棉胎"，玩左幾次~個結果都係Erica輸...

我話可能天氣太凍~反應慢左姐，再玩多兩、三次之後仍然都係Erica輸...

全部輸哂，一次都無win過~笑到我同Annie流眼水...而Erica係度係咁講"唔制呀!!!"，

見到佢個樣真係好好笑~到左5點半果陣...Annie話想食麥記，我同Erica都想食~

所以我同Annie左落去買...十五分鐘就上番Erica屋企，我地食得好快~

食好之後又繼續玩...初頭Erica以為食左野會好d~點不知仲"遲鈍"左~

攪到佢好無奈...佢話要再玩多次，唔信會再輸~但係好唔好彩...又係咁，

為左令Erica好過d~我地決定左玩21點，好在俾Erica win番一次~

佢有番信心之後...又話玩番"come棉胎"，佢咁講...我同Annie當然奉陪到底既~

Annie仲話今次輸左要請食野，Erica話請食野果個一定係佢~跟住我就話可能

係我都唔定既!!!唉...可惜Erica又係輸左~今次真係幫佢唔到><

到左6點幾，我地走果陣~Erica買左燒墨魚丸俾我地兩個食...真係多謝哂^^

P.S: 玩"come棉胎"，一次都無輸過~真係好開心呀!!!