哈哈~之前應承左家姐話今日陪佢去剪頭髮，1點就出去去啦...

去到得好少人，等都唔駛等~真係好...佢剪頭髮果陣~我就睇雜誌

消磨時間~大約半個鍾就剪好lu，我一起身既時候...隻左腳"麻痺"

左，差少少行唔到添呀...不過過左一陣就無事啦~本來我地諗住

去麥當奴食野既，離遠就已經見到好多人排隊...所以無去到~改

左去食粥~哈哈...果間粥舖係我地第一次去食既，叫左一碗艇仔粥

兩個食，因為我驚一碗食唔哂~果碗艇仔粥應該係我食咁多次以黎

最好食既...d粥底好靚，好好味...下次一定要再去食先得^^

食好之後~我地行左一陣天悅，家姐買左條牛仔裙...跟住仲買整壽司

果d野...就番屋企lu^^