打返先...22號中秋節果日,照舊放8點半~無得提早收工@@

一行到出面,好多舖頭都熄哂燈放工......成條街度好似變得漆黑一片咁

腳步快快咁行去地鐵站搭地鐵去銅鑼灣,約左屋企人一齊去食韓燒,

真係唔好意思,要佢地等到我9點先食野!!

一家人去食韓燒係第二次,其實我好珍惜同屋企人一齊食飯既時光,

總係特別開心...無論有時做野做到攰都好,返到屋企就會好自然咁提起精神,笑 笑 笑

阿爸又飲左六碗人蔘湯,真係有少少懷疑,佢黎韓燒...就係為左飲人蔘湯=.=''

食左10點幾,行左去維園睇燈飾...幸好天公造美,好多人出黎睇燈飾,熱鬧一下

仲見到好大又圓既月光,失敗在唔記得帶相機,用電話影相總係覺得差少少...

不過算數啦~好過一張相都無影到呀ma:)

返到屋企都已經12點了

P.S: 今年既中秋節,我過得好開心...雖然無玩螢光捧,無食月餅,無玩蠟燭,無拎住花燈

亦都無人月兩團圓,不過呢d都唔係重點~有屋企人係身邊...已經好足夠了