阿爸放假~所以一早又俾佢把聲嘈醒左...佢同媽咪出去

食野，但係我無出到~叫佢地食好野先打俾我睇下出唔出..

過左一個鍾到...阿爸打電話黎問我點，最後我都應承左~

話換完衫再打俾佢~唉，如果唔係前日隻錶粒電池無哂電

停左...我都唔會出去，本來諗住睇下附近有無得換~點知

無，要去番北角果間錶行先有~搭左七個字車先到囉..之前

阿爸話好快就會到~真係俾佢呃左><

去到果間錶行都幾熱下...無咩新鮮既空氣，不過算啦~忍耐下..

阿爸拎到兩隻錶(其中一隻係家姐既)俾個伯伯換電池，見到佢

開左隻錶底蓋果塊野出黎拎左粒舊電池~換番粒新既電池落去...

跟住再用唔知咩機器壓番緊果塊野，睇到佢用力壓隻手錶~唔知

點解登隻手錶好慘~突然間覺得唔好換電池好過換囉，好快就攪掂

了...阿爸同媽咪諗住再去太古街下，但係我話我想番屋企先~佢話

整完果錶就走嫁啦...我就答佢"係呀"~阿爸個樣好無奈，因為佢以為

我會同佢地一齊街太古，咁快又要搭車番屋企...佢地落車先~之後番

到屋企買左麥當奴同家姐一齊食^^