對於我黎講,今年既新年已經過去左了,雖然今日只係年初三!!

由細到大既新年只有初一、初二兩日係比較開心 熱鬧少少,

講真呀...今年新年我真係覺得唔開心(唔知點解~!)

好辛苦咁迫自己擠出開心燦爛既笑容,尋日去表姐屋企影左好多好多相

影完呢邊到果邊,影完呢部望果度...

姨媽、姨姨、舅父同埋表姐既相機全部都有我地一班親戚既合照,

影到面部既肌肉都有少少麻痺左@@

意料之外既係...可以抱到天晴B女,係一件值得開心少少既事

天晴成為左眾人既偶像,每個人都爭住同晴晴影相...

識望住相機鏡頭~咁多人抱佢都唔怕又唔喊,真係好乖乖^^

尋晚成1點先返到屋企,兩點先訓...很累

今日同左家姐去睇戲"我愛HK開心萬歲",睇11點7果場,

除左頭兩行之外,其他既位全部都座滿哂

套戲整體黎講都幾好笑...亦有令人怜悟既地方,

其實拍多d好似呢類 既貼近生活又會令人覺得快樂...

簡單得黎,又可以帶出到故事背後既用意,的確很不錯! 讚

上年有"72家租客",今年有"我愛HK開心萬歲",

唔知下年有無呢?我會期待著

聽日要好好努力了