今晚有時間,就煮下飯啦
出面好熱又唔想行去街市買,
睇下雪櫃有咩可以煮就算了!
是是但但又一餐,食飽個肚就得啦......
見有雞翼,小棠菜同埋鮮冬菇,一於整雲耳蒸雞翼+小棠菜
四個人食,兩碟都係大大碟的,清哂
雲耳蒸雞翼
醃雞翼好容易,最簡單既只需要加鹽,糖,豉油,少少既鷹粟粉
而我想入味多少少,就會加蒜頭,薑條,少少雞粉,少少胡椒粉同埋酒一齊拌勻
然後拎去蒸十五至二十分鐘
今次唔記得左落鷹粟粉,但都一樣咁好食~!
小棠菜+鮮冬菇
將小棠菜切開洗乾淨,放入滾水裏面煮熟,夾起
另外煲少少熱水煮熟鮮冬菇條後,加少少豉油同埋鷹粟粉(等收乾一半),熄火
淋上小棠菜面就完成
|
