其實前一兩年都已經想自己嘗試整冰皮月餅,
直至今年,經過好多次內心既爭札,終於都鼓起勇氣起去試下,
決定左之後,開始上網搵做法材料,睇左好多唔同既資料,
可能因為第一次整太緊張,亦都失眠過幾晚,
雖然係第一次整,我都想盡力做到最好,
初哥去買材料+用具,個店員俾左張整冰皮食譜紙俾我,
佢仲以為我之前整過既,多謝你少少既教導,
如果唔係我都知個模點可以拆出黎洗,又要搞一輪先研究到,
仲提我舊餡要用前半個鐘拎出黎解凍
到今日真係開始整既時候,整個冰皮皮,等雪凍,再分皮同餡料各25g,
分好之後搓好每塊皮,先再放餡,然後放入模度壓
壓到第一個冰皮出黎既時候,我真係好有滿足既感覺
就好似BB出世咁樣,好感動
跟住就KEEP住一直整,整左17個,
過程裏面,有家姐幫手,整得好順利
多謝大家,無論係支持我或者係一盤冷水淋落黎叫我出面買好過既你地,
係呀,係出面買同自己買材料返黎整,其實真係差唔多價錢,
我總覺得自己親手整既,好唔好食都係對大家既一份心意,
用錢買的確係會慳左好多時間,
但唯有自己落手去整既,先會體驗到成功同滿足感
有人話,你整俾人地食,佢地都唔會多謝你啦……
點解要多謝??我唔明白
對人好,就係要為左人地講多謝??
應該係我多謝佢地先岩,肯俾面試我整既野,
我從來都唔怕為身邊既人做多少少事,
做到/幫到既話,我都會盡力去幫...
哪怕只係整少少既應節食品
聽日就會去拎俾朋友們試下,試左之後希望大家俾少少意見
 |
