依家得返自己一個係屋企...阿爸同媽咪去左九龍灣Mega box行商場,,,
家姐就去左哥哥果度，本來佢地都有叫我一齊出去行下既~
一諗起同阿爸出去唔飲得凍野既時候,,,就決定左唔去=]
哈哈~唔知佢地係咪驚我自己一個係屋企暈左無人知呢@@
唔使擔心喎,,,係屋企唔會暈的......
雖然係得自己一個姐~仲有兩隻龜龜同埋我最愛既公仔們陪我...
我唔會覺得寂寞既,,,覺得好清靜先岩呀!!!
I'm not lonely
l feel happy
尋晚睇睇下個日曆先知...原來今日係我舊曆既生日，2/8亦都係Candy生日~
晏晝果餐自己煮公仔麵食，夜晚唔知同阿爸佢地出街食,,,定係又食自己= =
祝Candy: 生日快樂
=========================================================
3/8 後補的:
尋晚7點半換好衫出門口...搭地鐵去北角金皇酒樓食飯，去到都差唔多8點了,,,
阿爸叫左我的至愛之一既菠蘿咕嚕肉、一條中size既唔知咩魚同埋天麻魚王燉湯...
兩送一湯~都已經夠我地三個人食,,,最尾先黎果條魚...一黎既時候我都呆左一呆，
明明我地叫左中size，點解係變左大size既(係人地擺酒一席12個人食果d)??
初頭上菜果個部長都以為搞錯左~個經理見到就話唔蒸都蒸左照上@@
隔離果張檯d人既目光都望哂過黎...搞到我好尷尬!!
三個人食哂條魚,,,阿爸食得最多，飯後生果仲有西瓜食~食到我勁飽-口-
9點半走...行去巴士站搭巴士~等緊車果陣頭痛又出現,,,覺得唔係好舒服，有d想嘔
好在都可以忍到落車...返到屋企換左衫，褲都未換就入左廁所嘔,,,
嘔哂之前食既所有野出黎~嘔完之後好好多
到12點半訓覺,,,訓唔到~3點幾至4點果段時間個頭又痛，痛到爆炸...成晚都訓唔著!!!!
P.S: 呢個故事亦都教訓左我...以後出去 去到邊都要帶埋頭痛藥~
記得對上一次頭痛跟住嘔果次,,,係上年既12月尾
|
