尋晚行雷又落雨...真係諗唔到今日會咁好天-_____-
希望媽咪會遵守諾言留返隻龜龜係度啦!!!
事原係咁既~上個月30號果日,,,嬸嬸個同事俾左隻龜龜佢養，
可能佢無時間或者知道我地有養開龜龜~所以就俾埋我地養...
阿爸同媽咪話唔知將兩隻龜龜放埋一齊會唔會打交,,,
如果打交既話就會俾返佢養，其實我都知道阿爸唔係幾鐘意再養多一隻~
即日就諗住比返嬸嬸...但係咁岩佢又走左,,,唯有收留隻龜龜幾日，
到今個星期五返黎既時候比返佢~因為屋企無d岩龜龜size既膠盒...
無辦法之下~將龜龜放左係一個好細既膠盒裏面...想轉下身都有少少困難,,,
第二日就即刻同媽咪出去買過個新膠盒比龜龜住，即時變得好活躍...
不停係咁爬黎爬去,,,見到都覺得開心~之後仲將兩隻龜龜放埋一齊玩下，
不過隻大龜龜似乎唔太鐘意同其他龜龜share自己既地方,,,一時就迫住龜龜唔比佢出黎...
一時就各有各一邊爬!!好搞笑的=]
前日夜晚無意中留意到龜龜訓覺合埋對眼個樣真係好可愛喔~
就係呢一眼，我就變得越黎越鐘意隻龜龜...雖然同佢相處既時間只係得幾日,,,
亦都越黎越發覺有大龜龜既影子~最初果幾日，唔知龜龜係咪唔適應新環境定係食物唔岩口味...
無食過野~直到今日...媽咪比左幾粒麵包佢食,,,好快就食哂^^
原來佢同大龜龜一樣都係鐘意食麵包的
媽咪話只要我夠膽捉起隻龜龜，就會留返係度~其實唔係我唔夠膽捉...
只係驚佢抓我果陣,,,我縮一縮手捉唔實龜龜就會跌左落地下= =
我成日都會凝住有咁既情況發生!!
尋晚訓覺之前係度諗~如果我連一隻龜龜都保護唔到既話,,,就會好失敗嫁喇!!
今日下晝...家姐話我唔捉佢既話，龜龜就要走~心諗就算佢抓我都好,,,
只要我點都唔縮、唔放就唔會有事...為左要龜龜留係度，
終於都鼓起勇氣捉起佢~仲捉到三次添=]
我唔會再驚龜龜抓我嫁喇,,,細細力抓...都幾得意的^^
兩隻龜龜，我越黎越鐘意你地!!!
媽咪你應承過我既野，一定要做到......
P.S: 兩隻龜龜都有名的~大龜個名係我改的,,,新既呢隻龜龜個名係家姐改既=]
希望你地永遠健康、快樂
| 
