| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2006 年 2 月 1 日 星期三  |
| 無題 |
分類: 未分類 |
今日舖頭有兩個顧客(一男一女)叫了兩杯飲料,跟住將報紙攤滿兩張枱,打開兩部手電腦打字,打了三個小時,於是我爸爸就走去跟女的說(這時男的走了出去抽煙):對不起我們這裏是做生意的,不可以用電腦啊!接着男的走進來,女就跟他說:他們在趕我們走呀!不讓我們用電腦呀!說不做我們的生意呀! (氣死我了!爸爸跟她說的根本不是這一套!) 男的聽了後火冒三丈,像吃了火藥似的!狂罵我爸爸,還說:有那一條法例規定在餐廳不可以用電腦?法律我熟過你多多聲!我又不是冇錢,錢我有大把!我可以比你幾多都得!你依家係咪唔想做我生意?我可以去報警架!你係咪想攪大件事?ok!我依就去報警,反正我想攪大件事,我有ge係時間! 縱使我爸爸再三解釋不是不做他生意,但再三的勸阻仍是無濟於事,他始終還是去了報警.他報警的時候是這樣跟警察說的:我係xx度,你快d叫你手下黎呀,有人打我呀!佢仲想拿把刀出黎威脅我呀!快d叫人黎la!(我聽到呢番話ge時候我真係想罵他,我爸爸何時打過你?你又怎知道我爸爸想拿刀出黎威脅你!?簡直荒謬!於是我衝口而出講了句:作大!衰人!我本來還想跟他理論一番,那時我真的有這樣的一股勇氣,但理智告訴我絶不能這樣做,要忍!爸爸常跟我這麼說:做生意一定要忍,做人都係!) 未幾,一個警察來了,問他:發生什麼事?有沒有人打你? 他說:冇人打我.警察問:咁你叫我黎做咩?你唔係話有人打你架咩?他說:佢唔比我用電腦呀!有邊條法規定係餐廳唔可以用電腦架?警察答道:呢間舖頭係佢架,佢有權唔比你用電腦,一係你第日冇黎呢到lor!他無言. 警察續說:咁你告佢d咩呀? 他又無言.警察說:既然你都唔知告佢d咩?咁你打黎做咩呀!依家都冇事咯,咁就算la!怎料他說:我告佢恐嚇我!佢地成大班人恐嚇我一個呀!警察說:你告佢唔落喎!無証據,佢又冇動手,呢d咁少ge事就算la,你要告ge話要告去法庭架!我地唔管呢d事架!於他就狂鬧個警察一番(唔係好記得佢講左d咩,總之鬧得好狠la)跟住講左句:你依家係咪咩都唔理丫!好!我就告去法庭! 又同我爸爸講:我話比你知我叫五十個人黎坐爆你間舖頭都得呀!還掂我有大把錢!(一日到黑只係識得講自己錢!有錢大晒咩!哼!)跟住個警察忍冇可忍,就鬧佢:依家我覺得係你恐嚇佢多過佢恐嚇你喎!你有冇當過我係警察,你唔比面我都要比面警察呢個職位丫!(下面哥d我就聽唔到la)跟住爸爸番左警察局,好睬爸爸好平安咁番左黎,點知個衰人告我爸爸唔落就走去告個警察,結果個警察局局長就叫爸爸去做証人啦! ~終於都打完喇~
|
|
|
jemiko 於 2006-02-03 10:42 PM 發表：
做水客好慘ga~~~一次得個幾蚊........
一日得十一二次，即是6，70蚊，咁就死la~
|
網主回覆
@o@咁少架!真慘呀!>< Posted at 2006-02-04 12:11 AM [ 編輯 ] [ 刪除 ] |
|
|
DART 於 2006-02-02 09:13 PM 發表：
你應該改題目做"癲佬",
因為佢真係一d都唔蠢,佢好醒~
1.司機(巴士,的士)[地鐵個D除外]-->因為開車真係好難搞,撞車d負任都幾煩下-->同埋搭的士做夜更都唔知車d咩人
-->所以我仲煩緊應唔應該考車牌
2.差佬,消防,海關...-->我好驚開搶,驚捉賊,最驚會死
3.零售-->"歡迎光臨"e句說話對我黎講,太低級趣味,我講唔出口,所以實比人炒
-->仲要應付d好煩ge人先最煩
4.飲食-->同零售都一樣,再加上-->如果比人check到我賣d野食有毒就煩死[雖然自己唔想]
5.化學家-->自從升上高一已經討厭化學
6.董事總經理-->聽人地話,上位上得快,落黎到快d,仲有我要怕"高處不勝寒"
7.黃色事業[包括持有人,付出肉體ge人,睇場ge人...]-->乜有人願意做咩?
8.賭場[新舊葡京,金沙,銀河...]-->自從愛上文學就已經視賭業於眼外
9.水客-->雖然賺唔少錢,但係拉住部裝RedBull(紅牛)ge車,似乎樣衰左d
10.xxx永遠都係秘密...
其實唔止,仲有好多職業我都唔想做,但係...做人又唔可以做二世祖ma~
都係遲d先算啦~~[係我心中真係冇一樣係我理想的職業]
|
網主回覆
都係無題算la,hee"我覺得佢有d自討苦吃~結果比個警察罵左一大頓,而我爸爸又冇比佢告落.
1.司機,我都冇咩可能會做,我又記番起上次金蘋果=="真係好可怕,如果我做真係唔知會車死幾多人"
3.零售,haha,你講得好搞笑.但我一日都唔知同人講左幾多次"歡迎光臨"lu~
4.飲食,的確有d風險,我爸爸都比人誤會過一次,好睬最後都冇事咋!
5.化學家,我都係.
6.董事總經理,呢層冇諗過添<"
7.黃色事業,==真係唔願意做!
10.xxx<--係咩je,講比我知丫!@@
Posted at 2006-02-02 09:36 PM [ 編輯 ] [ 刪除 ] |
|
|
dart 於 2006-02-02 02:17 PM 發表：
er...其實,e個世界真係咩人都有,
用我做個例子,
我曾經試過有次搭巴士,
無啦啦比個陌生癲佬兜腳踢落我度,
仲有一次係巴士度比人索油...
不過咁都冇計,我宜加咪一樣要搭巴士,一樣要做個好學生,
所以真係唔洗放咁多心機係d傻佬度...
所以,我同我自己講過,
有十樣工作我大個係一定唔會做,
其中之二,零售,飲食,
因為咁樣實在頂唔順d人,
仲會比你知道人類ge醜惡係幾咁恐怖,
所以,比著我就情願咩都唔好知,
自己過住自由自在ge生活就已經好好...好滿足~
|
網主回覆
嗯嗯!我會的!^^ 但係我重係好想開甜品屋!!>v< 咁重有邊八樣呀?講出黎聽吓丫!
 Posted at 2006-02-02 07:32 PM [ 編輯 ] [ 刪除 ] |
|
|
kei90 於 2006-02-01 10:49 PM 發表：
冇野講.......你要改下個title 應該叫蠢人.....
|
網主回覆
ok~改左la^^ Posted at 2006-02-01 11:19 PM [ 編輯 ] [ 刪除 ] |
|