今早的英文課實在大搞笑啦>v< 笑足一堂,猩猩叫了阿dart出去扮女仔,笑到我上氣不接下氣    回家等巴士的時候,遇到一個很可怕的男人. 他問我"靚女呀,呢到有冇4號巴士搭?" 我答"有呀" 但他還是再問一次"靚女呀,有冇4號巴士搭?" 我以為他聽不到,於是就答多一次. 怎料他指住一架6號巴士,問我"靚女呀,係咪呢部?" 我就答"唔係喎,你話搭4號但呢架係6號喎!" 我才答完,佢又再問"靚女呀,呢架得唔得" =.=我已經覺得好唔妥. 但是仍然向他解釋多一次. 之後他走前一步,問"靚女呀,你係咪啱啱放學呀?"  我好細聲咁答:"係呀"我對腳已經驚到軟=="  他再走近一步問:"靚女呀,係咪得你一個人呀!" 我嚇得面容都扭曲,立即跑到旁邊的一位女士的身旁避難,她告知我這個男人時常都來這兒搭巴士的,他沒可能不知道這兒有沒有4號巴士搭的,妳不要睬他了.  巴士還沒來,他還站在原地,我的心臟仍怦怦亂跳. 十五分鐘過後,巴士終於都來了,我匆匆的跳上巴士,一額冷汗,總算逃脫了. 還是第一次遇上這般的人,太可怕了>~<" 幸好沒事(汗汗汗")