希望我睇法係大錯特錯既啦,咁你起嗎尚有幸福可言,一心以為嫁去外國會幸福,我都希望你係,但一個二十幾歲尚末有做過一份正職,學歷又唔高(外國大學畢業極普通)既人,咪話看扁佢,禮金都比唔出啦,比到什么幸福你?佢貪你乜好呢?學歷高,揾錢叻,將來靠你養家唔使煩,我身邊朋友太多呢類老公啦,我聽得她們既埋怨太多,我極唔希望你將來會係咁,真的唔想拆穿你既美麗幻想,但作為媽媽唔出聲等於見死不救,學咁多樣求生術都末必幫到你養起一頭家啦,最簡單奶粉由你出世$52/罐到依家$328/罐可想而知養家不易為,如果個男人唔爭氣無用的話,你几咁愿意付出都好,終有後悔之時,啱唔啱聽都好,自愛的~思考多的~咁大個人成熟的啦!如果佢係負責任既男人邊捨得你去捱呀?比我見到既係你不斷學求生術,有用嗎?依家全球向住中國,歐洲、美國失業咁高,你仲以為美國係實現你夢想之地~清醒的~現實的吧!咪成日自以為自已聰明叻過人,做人嫌虛平和有自知自明的好!呢個世界聰明/靚/叻既大有人在呀!