我17歲選擇來香港係非法入境唔知几時先可以番屋企,只係單純咁念會改善屋企生活唔再捱窮.以為真係遍地 黃金好易搵到生活啦原來唔係咁易,第一份工係工廠做包裝女工$26元一日午餐只係吃碗餐肉公仔麵己去咗$13元.早餐.生果更加唔敢吃.怕無錢.寄住係一個我呢一世人第一次知第一次見既親菽屋企當我捱咗 3個月同一个女同學夾份租咗一個房住,係香港無朋友.無親人.過年,過節同房同學會去親人家過.我只能留係60尺小房間面向四面牆,無電視,無電腦.月尾唔較錢用只能沖利賓納頂肚,又要被人奇視叫我哋大陸妹.大陸仔.覺得香港一的都唔好,好想番屋企,寫信同我家姐講.家姐回信同我講咗雀烏的故事.仲有你番到來無人敢請你.聽完佢咁講我為有咬實牙關捱落去,直到5年后大陸政策改變咗,我才可以回家,如果當初我放棄要執意回去.下半生又會點呢?所以我完全明白人在異鄉既感受,但你係去求學唔係求生活.比我幸福得多.只要安心捱過呢2~3年為自己前途着想,將來你知道有沒有選錯,就算行多咗行錯咗你到時只係20~21歲.還大把時間同機會啦,你呢二年學費我都已預略好.第三.四年爸爸部車都供完(現供$15,284.)可以儲到的,如果自己想假期番來就要去做兼職攢啦,因為付學費己不易,自己咁大个都要識諗啦,係咪.我知道你擔心我負擔唔到學費,你放心啦我俾得你去更有辦法解決,讀唔讀得成就係你問題啦.捱下捱下好快就過去,到時我想你番你都未必肯番啦,好似我而家咁.股市都一樣有好時逆有跌時,如果無那份堅持我又點可以翻身呢?只要堅持多一點,什么難關始終都會過的,今天難過始終都會過,唔係點會有明天呢?如果選擇番來讀你要有重頭來過的決心,我都無得反對la.
|
