到呢刻都唔明我ga用心,仲要係綱誌度數臭我同个妹來抬高自己,我點敢依靠你吖,驚到頭來係南柯一夢,做人唔好淨係睇表面,我係好鐘意澳門呢个地方,有段時間仲成日同朋友.老公去1~2日,而家都會間中去下,我鐘意去吃自助餐,豬扒包,文化會館頂樓嘆茶,我爛玩(飲飲食食,都有賭3~5仟元止)但我唔爛賭,如果我好似你所講咁賭到欠卡數過百萬,會唔會無大耳隆上門吖,我係用銀行循環貸款卡借30萬,係因為買廣州舖同阿妹出去讀書周𨍭唔到,今年一月炒股票蝕咗問冬婷姨借咗20万.霞姨10万.早几年爹哋生意差,又要供2層HK,1層大陸樓,借咗保險積存30万(可以不還)并唔係你想像咁欠賭債,坦白講賭錢我都有少少好彩贏多輸少,因我有節制,唔貪心,你話自己努力讀書,無得出國,阿妹唔使努力坐享其成,你F.7時我哋係大陸俾人偷咗部車,一只櫃要賠船公司即時損失几十萬,仲差的搞到執粒,唔係都唔使借保險積存出來用la,你哋仲細唔想將家庭經濟困難同你哋講,影響你哋學習情緒,阿妹無努力過佢都知衰la,會考分數係hk係唔可能讀大學,作為父毋係咪唔俾機會佢,去扶佢一把呢?你話阿妹到而家學到ga係零,唔好咁早妄下判斷,3~4年后先知,如果係咁我都已盡力,佢自己行條物野路,係佢自己選擇與人無由la,你作為家姐要鼓勵佢,唔係踐踏佢,你請我吃ga飯10只手指數得晒la,我都希望你將來搵到食,請多啲la,我都經歷財務困擾,好艱難先還清債務.當然唔想你行條咁艱辛ga路,我就為家庭無得選擇,你有得選ga ,你番來住屋企又細,叫你撿拾下唔好亂七八遭,叫極都係咁,佛都有火,咪叫你搬出去住,自己去面對你的什物,你上大學第一學期我同你交咗學費,去都柏林歐洲個學期都同你交咗,不過貸款你收咗,話去完歐洲番嚟俾番我結果我收咗7仟,14000元無影,你自己搞掂生活費我都覺得你几叻,你去補習攢到几仟元一個月,你又知唔知我一个月除咗交什費后一個月唔超過一萬家用,又要交阿妹學費你ga宿費,又要還債,日子係几咁難捱,我好鐘意旅行,但勁怕搭飛機,但係今年2月底~3月沙巴旅行時竟然勇者無懼.仲希望失事賠多啲俾你哋.為物唔怕死吖,係唔想生存,再捱吖,而家想番都覺得自己傻,你凈係顧自己如果用得其所都唔係咁難,但二年半ga宿費都几萬蚊la,咪又係我俾,小時做錯咗.會同你講道理.但而家咁大要教要講都講夠 la,但你有改變過咩,係無吖,而家屋企經濟改善咗,我有同爹哋傾過如果你想出去升學見識ga,做得到ga都會俾你,但你好似無同我哋傾過喎,淨係識數我,做的無建設性ga野,仲有我同爹哋成日去旅行,萬一有咩事,想你有當家作主既本事,你作為大家姐係咪要負起一個家庭經濟各樣的運作同決策呢?可能呢的叫愛之心,恨之切 la,以你而家咁ga德性,過仟萬都唔使得几耐 la,點敢再依靠你來當家作主吖,不過早知點都好過唔知,我知點做ga la,唔會再對你有什么期望,我以后唔再管你 ga la,畢竟你都二十几歲人,要改己經改咗 la,到今時今日還是覺得自己好正確,我還可說什么呢?無期望就唔會失望可能咁樣對你對我都會好的ga.你好之為知la.