一個家有爸爸.媽媽.儿女,呢個家表面睇我大權在握.撐管財政.生剎大權,實際小事我可自把自為,大事要申請批准方可行事的.呢的叫尊重,以前我都以為爸爸對仔女好偏心,偏愛irene.針對amy,漠視billy,所以有時我都成日抗旨,直到呢2~3年你哋都大la.irene要出去讀書la,當時屋企存款唔超過十萬,我好愁帳,我唔知點答你好,叫你同爸爸講.點知爸爸一口應承咗你,我背后問佢你有錢俾佢讀ma.佢好平靜咁答我,無咪賣咗深圳層樓la,我話你唔係留番退休住ma.佢話仔女讀書緊要的.irene上次話唔讀時佢真係嚇咗一跳,覺得你唔珍惜好失望.到你改變主意繼續讀時佢好開心.覺得你終于識念la.仲成日向我打探你近況,最近amy想讀上去.當初我應承幫你付學費.點知最近做咗'大閘蟹'自顧不暇,只能付部份,我將呢件事同爸爸講,佢就話個女讀書無理由唔俾,唔幫ga,最多咪辛苦几年la.或者按咗天平邨貸款出來囉,呢刻開始我覺得佢其實都几公平,几偉大仲几傻添ar.所以你哋有得繼續讀應該多謝爸爸,無呢個老豆,我肯定唔理咁多.顧掂自己先ga la.費事好似佢咁.末老先衰滿頭白髮,搵鬼可憐,所以你哋以后要好好尊重.孝順佢,如果唔係我唔會放過你哋ga.佢表面好似物都無所謂,其實佢好在意你哋ga,如果它朝你哋學有所成,我諗佢會老懷安慰比中六合彩頭獎更開心ar,而家所擁有的真是來之不易,你哋要知惜福ar,千期唔好半途而廢ar.
|
