唉!放假仲悶,因為老公要出海釣魚3天.个仔補習.个女約朋友,本來想去泰國ge.但22/3先有團要26/3先番.25/3開市幫細佬認咗只"旺旺"26/3上市,驚个市唔掂,要沽貨,所以都好難去ge la.除咗抽一天探阿媽外,自已搵節目.行山.去睇場戲.行街.或去澳門行下.吃下.賭下.都几無聊ar,不過都要接受儿女大咗有自己世界,自已為有去尋找其它娛樂 lor.

係股市堅持己見真係唔容易.本來買重(跌)PUT証.收獲勁丰.耐何聽咗個細佬講中國二會結朿同奧運一定升.唉.本來有十几萬利潤ge,俾佢言論影響自己決定.攢咗萬零蚊上星期五放晒.掉頭買升咁就扑直.差的在最低位止蝕.但想下無可能日日跌ga,堅持已見,所以投機升/跌機會永遠有,把握唔到就無咗.最慘係唔識個市點,但又俾的似是而非ge主意,都係孤獨先冷靜唔容易俾人影響先有機會錢進.以后想投機攢錢條路一定孤獨.寂靜.無辦法我勁須要錢去實現自己ge生前事或夢想.為有接受呢個事實.

希望若干年后復活節可以係歐洲.希臘小島嘆下午茶,行下街Shapp,係椰林樹影下睇下雜誌聽下歌.等仔女畢業帶我遊下紐約.加州.夏威夷,期待緊......做人永遠要有夢想.無論遇到什么挫折都好,每日都要充滿希望才可以跨過難關去實現夢想.

上星期五見跌咗几日差唔多 la.見有欑咪沽清PUT証,反手買call証,點知今日又跌過千點,都几難有進賬ar,好似2008年與升無緣.睇定的先.畢竟跌咗咁多.而家買跌勝算唔高.等個市升番先再出擊較好.另外每月固定供款買2628中壽,388港交所各2000元平均成本法.較可取.因唔知几時見底.又末必可以最低價買入.咪用呢個方法去累積的好股.股市唔可能永遠升.也唔會永遠跌.唔好睇少呢個方法ge威力ar,可能1~20年后嘆世界都指意佢(好股)ga.

點解要我永遠以你哋為先,而你哋永遠以我為次呢?睇場戲都係咁,算吧了,去忙你認為值得的事吧,

等我諗下最想見*最想做#的生前事先:

*一.最想全家身体健康.

*二.最想儿女有上進心.學業有成.可以搵到佢地一生最愛.

#三.全家可以去郵輪環遊一次.

#四.可以周遊列國.去想去的地方.

*五.住大屋.

#六.做個有錢人..哈...都唔多ar...不過唔易呢!

今早同个女探完媽媽后,番到hk各有各,咪約个老公去睇"玩轉生前事"九龍塘又一城先有,遠就遠的.不過呢出戲几好睇wo.可能年紀大咗,經歷人生老病死ge事多咗.人生觀都有所改變 la,都几有共鳴,戲中其中一個主角"卡特"佢一生為家庭儿女放棄自己想當歷史教授ge理想,去當汽車維修工作以為持家庭,當儿女成材時,自己患上癌症,係醫療院佢將自己生前最想做的事寫在記事本上.當佢知道自己生命將不多於一年時,將呢頁撕掉咗,認為呢生都唔可能實現了,點知就出乎意料,係人生最后做咗佢生前最想做ge事,更令我覺得人生無論是生老病死想有尊嚴.無憾係唔可以無錢ge事實.而我ge人生係唔想臨死先可以做想做ge事,我一定要身体健康時過想過的生活咁今生先無悔ge ma,所以還須努力去實現.哈..估唔到ge係要我約個老公先可以睇到埸戲,好似有的本末倒置咁ar.唉..老咗本錢少咗叫價力差咗.....二十几年 la,唔知點解就好似缺少了一點什么?唔通愛情ge終結就係淡而無味怙臊ge生活?點都好 la.想做咪做lor,今日唔知聽日事,最緊要活在當下ma.

將昨天的put証收市前沽咗,價位低過昨天攢少咗$4500.掉頭買Call証.希望下星期一有進帳 la.明天番深圳探親.