妖= =岩岩先醒起自己唔記得UP相上相簿
不過算啦都無人睇的
都係聽日先UP啦咁...

早幾日部電腦無啦啦出左事

唉

算啦

依家知道左係因為HDD疲勞過度

提早收工

可能佢之前都係好舒服咁過日子啦

一去到我手上

做過不停

係到同你默禱3分鐘了.......

3分鐘過去左

無左40GB的位置

算啦

再諗都無用

唔壞都壞左

重可以點

咁咪用少D囉

40GB應該唔會對我有太大的影響的(我估)

今日同太太們食下下午茶

其實今日真係悶死我

同太太們食下午茶的時候當然唔係得我一個啦

流行同埋珊岐姐細路都黎左

珊岐姐有工番唔理我地= =

佢成日都話約埋一齊3個去打邊爐

但係次次都係約約下就無晒聲氣

食完野之後就同珊岐姐細路去左打波

好耐都無打過籃球囉

同佢番左小學打

因為一定有場同埋唔會比人鬧(因為我同佢都係蒙小出黎的嗎xDDDDDDDDD)

打打下

佢問左我一個問題

你有冇拍拖呀???

我停左幾秒

依個問題其實我覺得係我問其他人嫁囉

我有資格比人咁問咩

I'm a loser.

睇住自己鍾意的人同其他男仔拍拖咁又可以點

人地係唔同你一齊就唔同你一齊嫁啦

其實依D問題我早就已經諗通晒

所以我亦唔會比依D問題煩好耐(我的好耐係指半年至一年)

今次我都煩左好多個月

應該多過半年掛

但係咁又點姐

都係個句

由佢啦

佢有自己的思想

佢選擇同邊個一齊,我阻止唔到

由佢走係最好的解決方法

算啦算啦(堅持係我的原質,時間會證明一切)

其實珊岐姐妯路應該諗到嫁啦

如果我有拖拍就唔洗日日咁悶呆左係屋企了

成日就只係識得對住D模型,我估計應該係有人係我背後咁樣講我的,最少我呀媽已經係

父母成日同我講唔好咁早拍拖又話乜又話七

唉

靜少少啦唔該

一個悶人比人煩的時候

將會係好煩

開電腦又比佢話,想瞓下又比佢話,模型又噴唔到油

真係想悶死人咩

工又搵極都搵唔到

唉

天呀

我唔想悶死係屋企呀

電腦呀電腦

你搞乜呀

琴日用左一日姐

之後reboot就boot唔番了

第二日諗住佢會得啦

食完早餐之後再試

都係唔得

之後就出左吉島睇衫

之後就番到屋企繼續試

都係唔得

過左立屋企

試野

都係唔得

之後係佢屋企打左陣PSP

屈晒機囉= =

番過屋企食飯

佢過左大興食飯

食完飯再試

妖

你玩我嗎

佢又開到機啦= =

真係想死

之後就一路搞番佢

有可能係VISTA問題

唔知啦

一路重要試

再去試啦......

講番琴日發生左乜事先

琴日話說係我地崇真書院的畢業典禮

一早11點就要番去READY

所以10點幾就想出門口

但係見到JACK搵我

所以就約左佢係天橋到等

見到波波

一齊傾左一陣

佢等WING

點知JACK黎先

我走先啦xDDDDDD

番到去見到好多人係廁所

整頭嗎= =

之後就一路搞搞搞

搞到12點幾就出去食晏了

同JACK同埋肥蟹去左雅氏到食

見到HELEN佢地都係到食緊

之後行多一陣

就番去啦

番到去

好快就開始了

見到我媽都入左黎了

一路去去去

攞左證書了

呀JACK話等左咁耐都係為依張野炸xDDDDDDDD

之後完左就出去

食下野咁

我無食到野

媽走左先

比左張證書佢帶走

之後我,FRANKO,EDDIE,KC,RAM,SIMON係到不斷影相

玩到6點幾就走了

我同佢地一齊去左打桌球

KC番左屋企

同埋呀思一齊去打

應該無打錯佢個名掛= =

打左兩個鐘

飯都黎左

之後就去左食飯

食完飯11點先番到屋企

足足遲左1個鐘

好彩我有打電話話會遲D姐

之後都無開電腦LU

講左身一日的行程

依家開始第二日的了

24/5

一早起身

天氣好好

好舒服

落去食早餐

之後就番上房HEA一陣睇下電視先

10點出發

去左布廠

又係叫你買野囉

D野貴到= =

香港價錢

但係收馬幣

100蚊港紙先得38蚊馬幣

行完布廠就行"石"廠

其實唔係依個石

唔記得點打= =

乜都係好貴

最平個樣野都要60蚊馬幣

一隻杯仔ONLY

貴到嘔

走人

去食晏

食麵包雞

食完雞就去左一個前總統的屋企到參觀(前首相馬哈迪官邸)

依家係博物館啦

因為入面無得影相

所以無相睇啦

之後就去左獨立廣場

好大的一個草地

行完草地就去左一個大型SHOPPING CENTER到行下

好多野行

行左都幾多野

不過都係好貴

所以就無買野

食完飯之後就番左五星的喜來登酒店

25/5

一早起身

唔係係酒店到食自助早餐

食去食肉骨茶

好味

加米粉一齊食就好似湯麵一樣

之後去左一個皇宮的門口參觀

因為佢重係一個皇宮

所以無得入內參觀啦

有一對士兵同埋騎兵

當然要影相了

撞岩佢換班

再去一間鋪頭

食手信

不過都係好貴

去左食晏

之後再去雙子塔

又係行街

落雨了

其實佢日日都有落雨

但係佢次次落雨都係個個時候

真係幾好

因為次次都係巴士上面

之後去左朱古力廠

又係好貴= =

之後就起程去馬六甲了

去到個時都唔係太晏

去左紅屋區

個到D紅屋都係以前D人住的

因為外面係紅色所以比人叫做紅屋

再坐三輪車周圍行

睇左一隻戰船的模型(1:1的)

之後就再上番車

去食晚飯了

今日個晚飯係自費的

食沙爹(任食)

其實係比左錢的= =

佢話一開始每人5串先啦

即係一黎就廿串了

叫左其他野食

燒魔鬼魚,炒果條(即炒貴吊)重有其他野食都叫左

好好味

之後廿串沙爹黎了

食左一串之後

不得了

唔該黎多廿串

真係太好食啦

比香港的所謂沙爹好唔知幾多個十萬倍

食完野之後就番酒店了

今次唔係五星酒店

係4星的

但係都好靚(大堂ONLY)

26/5

一起身就落緊雨

算啦

係酒店食早餐

食完就出發再去參觀了

今日去參觀的係琴日去過的紅屋區

不過今次唔係睇紅屋

係睇古蹟

依個古蹟係匍匐牙的城堡

不過比英國人整爛晒LU

影左幾張相咁啦

再睇左馬來西亞的歷史

撞到有攝影隊係到拍緊野

老豆重要係到想嘈= =

幫下手即刻叫佢收聲

之後就去下一個行程

又去買野了

今次買得幾多野

因為平囉= =

之後就去食晏了

食完晏去左蝴蝶公園

睇到好多動物

包括四不像= =

真係有的

睇佢真係乜都唔似

都唔佢想點= =

之後就食水果自助餐了

牛角蕉

好大隻= =

食完就開始去新山了

坐左好耐的車

停左一陣去食晚飯

食完晚飯就去睇螢火蟲

好多的螢火蟲

重加左撞船的環節

番到香港老豆問人先知個個係鱷魚潭= =

如果真係撞到沉左真係變左點心了

係鱷魚的點心= =

之後就再坐車去酒店海逸酒店

五星的

第二日因為要過新加坡

所以要好早起身

0530 MORNING CALL

好早呀= =

27/5(LAST DAY)

0530起左身

落去食早餐

食完早餐就出發了

0700

去到過關了

好慢好慢好慢好慢好慢

真係唔知要講幾多個好慢啦

D車又慢

人又慢

過關真係慢到嘔

GARY重話8點就會過完嫁啦

點知去到10點先過完

唉

無左好多時間

過到去個時

轉左個導遊同埋司機

之後就去牛車水了

睇下獅頭魚尾像

坐船

唉

比個當地導遊呃左成舊水(1個人計)

因為坐船睇到魚尾獅像

佢又唔講話之後帶我地去魚尾獅像廣場

唉

算啦

影左張大合照(成團人)

落雨了= =

又落雨

好大的雨

繼續行程

行珠寶城= =

當然都係唔會買野嫁啦

之後就去食晏

都係自費的

食下海南雞飯

好味到爆

叫左好多野食

去機場了

真係快

五日就咁就過左LU

去到機場就打左之前個個英文日記

都係話比大家知我番黎了

睇到A380-800啦又(開始轉去飛機頻道)

周圍行下個機場

新到不得了

行APPLE SHOP

無I-PHONE賣

玩IPOD TOUGH

之後就去左FERRARI STORE

好多野買

不過都係好貴

係貴得好離譜添

行完就過番GEAT B3

今次坐SQ 002

都係B747-400

又係坐中間的四人位

唔開心呀

算啦算啦

上左機又有靚女空姐xDDDDDDDD

都開心番少少的xDDDDDDD

佢人又靚聲又甜

真係無法形容了

又睇戲了

今次睇左STEP UP II : THE STREET

食飯了又

嫲嫲要白酒

當然係我幫佢叫啦

之後我想叫杯雜果賓治黎飲下啦

點知個個人唔知乜係雜果賓治= =

佢乜我要乜果汁

我呆左係到

之後佢幫我整左一部好似BEER的蘋果汁加7起= =

味道都幾好

接受到了

雖然我都呆左幾秒= =

繼續飛飛飛

好快就要LANDING了

第一次夜機番

乜規矩都唔知

佢熄晒燈

成機都黑晒

無幾晏就落機了

今次拍左係GEAT 24

攞番D行李先

大鑊了

有一個爛左

比人整爛左

即刻搵領隊整野

整完就坐船番屯門了

搞晒所有野瞓覺

已經係12點幾了

瞓覺去

今次的旅行真係好好玩

好開心

我地的領隊個個都好識搞笑

搞到我地好開心

好想再去多次玩

不過真係好熱

唔LIKE熱

鍾意舒服的人唔好去啦