2005 年 8 月 29 日 星期一  |
| 探老師 |
分類: 未分類 |
今日我同成班同學一齊返小學探d老師.
去到之後,呀Eileen叫我早d到,咁我咪早d到囉,
點知個個都未到,真係比佢玩死啦...
我企係門口等班人黎,點知見到呀揮伯,winggo,turbo係到打籃球,
攪到我企係到發呆...
我見到佢地就即刻跑過去,同佢地一齊打波,
打打下就見到呀Eileen,Yumiko,Wendy,Mimi走過黎,
之後就返學校啦!!
返到學校就跑左去1樓(禮堂)幫手搬書...
搬好之後,就上左3樓(教員室)搵老師,
我地去左307室,一入到去,就見到枱面有成大碟壽司係到,我地就梗係好想食啦!!
可惜老師到左之後,又叫我地一齊食,但係我地又驚,所以冇食到...
但係d老師走左之後,我地成班人好似蝗虫一樣,唔洗幾分鐘就冇曬啦!!
最後我仲同李蘊珍老師映左幅相添!!
|
| 迎新日 |
分類: 未分類 |
今日8點半起身,同呀媽一齊返學參加學校o既迎新日.
去到之後,d學生上1樓,而家長就上3樓,
我地上到去之後簡直就係地獄,d大哥哥大姐姐話同我地玩d好玩o既遊戲,
點知原來好無聊o既...攪到我眼訓左大半日,唉...死人迎新日... |
| 2005 年 8 月 26 日 星期五 |
| Play Table Tennis |
分類: 未分類 |
今日同成班同學一齊去體育館打乒乓波,
最難得o既係連我二哥都肯去.
我比我二哥早出門口,因為我去同學到玩住先,
到三點先至去體育館.
我地到左之後,攪埋d手續,佢地就到左啦.
只係我二哥未到,所以我地打住先,
打左唔夠三分鐘,佢就到左啦.
打完之後,佢去左吉之島,話買禮物比同學,
而我就同班同學就返左屋企玩,玩左一陣,
我二哥返左黎之後,佢居然話買唔到禮,
但係就買左比自己,真係...正白痴... |
| 2005 年 8 月 24 日 星期三 |
| 流鼻血 |
分類: 未分類 |
今日同平時一樣都係一點起身,打30fun鐘電腦,
再食d野,之後又同同學一齊返MMLC做功課.
我地到左之後,睇到MMLC門口有張紙寫住:
今天MMLC1暫停開放,請到MMLC2【圖書館裡面的電腦】
我地就好唔耐煩咁走上一層.
到左之後,我地搵左一陣都搵唔到,原來佢係圖書館裡面o既一間房,
我做左一陣,無端端流鼻血,攪到我要去洗手間.
我返去o個陣,佢又話夠鐘補習,攪到我一d野都做唔到... |
| 2005 年 8 月 23 日 星期二 |
| 好開心呀!! |
分類: 未分類 |
今日天朗氣清,我訓到成一點先起身.
起身之後,玩左30fun鐘電腦,跟住食左一碗面,
就同同學去左MMLC到做功課.
去到之後,等左一陣,呀麥力行就到左.
上到去之後,我用左30fun鐘就做完,
真係估都估唔到可以咁快做完...
返到屋企o個陣,就見到二哥,
估都估唔到佢咁快返,真係勁開心呀!! |
|
|
|
