我個diary好耐都冇理過喇＾口＾真係深感抱歉~#..而家我會管番個板板架喇!*^^*

　　我好耐都冇入來呢個日記網．．．係因為我要應付我個考試．．．所以我冇乜時間來寫日記．．．希望你地可以體諒我．．．考試過後∼我就會來呢個網加新日記架喇！

　　今日ｌｕｎｃｈ之後，我嗰班同學一齊玩誠實與大膽，我都玩埋一份．．．（好采佢地冇為難我）

今日竟然令我大開眼界．．．知道ｍａｒｃｕｓ最妒忌邊個．．．見到ｔｅｒｒｙ攬住ａｎｎｉｅ嘅場面．．．仲見到ｄｅｎｎｉｓ咀落ａｎｄｙ度呀！！！

　　今日實在好好好凍呀∼∼今朝早阿媽叫我要著件羊毛衫添呀！！今日又咁岩有ｐｅ堂．．．要做體適能考試．．．最後嗰個項目係９分鐘耐力跑．．．唔係跑籃球場．．．係跑馬路旁邊嘅行人跑呀！老師係唔係要謀殺呀？！咁凍嘅天氣叫我地出去食西北風．．．真係．．．我一路跑，個心一路係咁痛（唔係傷心嗰ｄ痛．係真係好痛架！）跑完之後．．我隻手真係痺左．．．郁都郁唔到呀！！！
↑我一共跑左１２８０米↑

今日成日都係喺屋企．．．出面又凍到死死吓．．．唔方唔悶到我死死吓喇！！

　　今日下就去食飯∼我阿媽又去．．．我阿妹又去．．．我細佬又去．．．就來全家人都去晒．．．好撞唔撞∼∼竟然撞到我班同學（２男２女）∼∼佢地又見到我同埋我屋企人．．．其中１個男仔好似背著我喺度陰陰嘴笑！嗰陣真係想走埋去一拳打死佢呀！！！

　　今日返學校幫手ｏｐｅｎ　ｄａｙ∼９點開始就幫老師介紹ｂｏａｒｄ（要去到１２點先走得．．．真係攞命！）ｄ人瀕瀕請我食檸檬，行過來一見到咁多字，就即刻走都走唔切咁嘅款，真係激氣呀！！！！＞＜

　　終於等到１２點，就走左去ｍ記食ｌｕｎｃｈ∼食完返去狂玩遊戲，仲抽中左兩份禮物（不過兩份禮物都唔多實際囉∼）玩吓玩吓．．．都唔知點解ｄ時間過得特別快．．．斬吓眼就到左２點半．．．又要去看攤位ｌｕ∼∼明明做緊都好地地嘅．．．無端端俾人叫左去做第２樣野．．．真係煩（呢樣野仲要我企喺度，坐又冇得坐＜＜真係好好好好好陰弓呀！！）

　　哈哈．．．去到４點半鐘．．．即係我唔駛當值之後．．．我即刻咩都唔理就返屋企．．．因為喺學校實在太悶．．．返到屋企起碼有得打機．．．我係咪好叻呢？

　　今日下就，係我學校ｏｐｅｎ　ｄａｙ嘅開幕禮∼∼雖然只係得１粒鐘，但係都攪到我悶到抽筋！！
首先，老師點完名之後就叫我地坐低，好啦∼我咪坐低囉∼∼點知，竟然等左成半粒鐘先開始．．．都唔知係唔係想悶死我地嘅！！咁到開始喇∼又要奉國歌、唱校歌（哈哈．．．唱校歌係最搞笑嘅１個節目呀．．．因為我嗰班有個傻仔．．．唔知點解好鬼死鍾意唱校歌．．．一聽到校歌個音樂．．．就即刻大大聲咁唱．．．今日老師避免佢會喺咁多個嘉賓面前出醜．．．所以專燈安掛佢坐到「舞蕾宮」咁遠．．．佢竟然仲係唱到全校都聽到．．．真係∼∼），然後就聽校長同嘉賓訓話，仲要出動埋全「雞腸」＞＞聽到我差唔多瞓著左（不過我有ｄ同學已經瞓左囉ｚｚｚ．．．）唉．．．俾著係你．．．你悶唔悶呀？？？

　　今日下就返學校，幫手做女童軍ｏｐｅｎ　ｄａｙ遊戲攤位∼∼（唔記得介紹自己添．．．我都一個女童軍來架！．．仲有仲有，２／１２、３／１２、４／１２都係我學校開放日，希望到時見到你啦！！）唉．．．都唔知今日仲乜咁鬼死黑仔∼等我話你知我今日點黑法啦！

　　一去到，就俾人叫左去文具鋪買做壁報嘅紙，我見冇乜細藝好做，咪照做囉（仲拉埋班ｆｒｉｅｎｄ去．．哈哈）∼有呢個咁好嘅時機，梗係乘機蛇王啦，我專燈用蝸牛嘅速度行去買野－－話你知啦：我ｄ效率好鬼快架，只係行左１５分鐘就買到兩張壁報紙番去．．．ｈａｈａ

　　番到去冇耐，又叫我去搵牙簽、攞珍珠板、搵大頭針．．類似嘅野∼∼又跑上又跑落．．．都唔知佢想謀殺定陷害，跑到我氣都喘晒∼∼∼∼∼唉．．．．．．＋＿＋

　　黑嘅野就講完喇．．．係時候講番ｄ開心嘅野喇：做左好多好多野之後（即係個攤位都差唔多完成時），班阿頭終於講番一句人講嘅野喇：「你可以周圍行吓，１５分鐘之後番來」∼玩完一輪之後，我番去叫佢俾我走，佢竟然一口就應承，真係ｈａｐｐｙ呀．．．．．．＾＾

　　就咁我就冇左成個下就囉！！！！！＠＿＠←真係陰弓←