好耐冇打過blog喇，因為呢幾日真係好忙，唔得閑打，請各位大大們見諒！
---尋晚真係好驚險啊！我爹哋媽咪食完飯之後就睇我啲紀念冊啦，點知竟然俾佢哋睇到晶晶同埋Stephy嗰張紀念冊！！！呢個唔係重點，重點係佢哋寫左以下嘅野落去﹕
晶﹕聽講你好似鍾意某某人喎，祝你哋兩個可以係埋一齊啦！
Stephy﹕希望你同佢可以開開心心啦！！！
......
佢哋睇到呢啲野，就係度嚴刑逼供啦，經過佢哋不停嘅盤問，我都係係咁係度話佢哋亂講野，經住又係度話﹕你哋寧願信呢同學講野都唔信我﹖﹖﹖ 阿媽就話﹕咁你而家係咪威脅我先﹖......我無奈......跟住佢哋就係度估我鍾意邊個，呢個唔係重點，重點係竟然俾佢哋估啱左！！！我就下定決心死口唔認，一副英勇就義嘅樣。最後，佢哋竟然同我講﹕
我哋玩下啫，你又何必咁認真﹖呵呵~~~
我暈....
真係服左佢哋...
|
