好耐冇打過blog喇，因為呢幾日真係好忙，唔得閑打，請各位大大們見諒！

---尋晚真係好驚險啊！我爹哋媽咪食完飯之後就睇我啲紀念冊啦，點知竟然俾佢哋睇到晶晶同埋Stephy嗰張紀念冊！！！呢個唔係重點，重點係佢哋寫左以下嘅野落去﹕

晶﹕聽講你好似鍾意某某人喎，祝你哋兩個可以係埋一齊啦！

Stephy﹕希望你同佢可以開開心心啦！！！

......

佢哋睇到呢啲野，就係度嚴刑逼供啦，經過佢哋不停嘅盤問，我都係係咁係度話佢哋亂講野，經住又係度話﹕你哋寧願信呢同學講野都唔信我﹖﹖﹖ 阿媽就話﹕咁你而家係咪威脅我先﹖......我無奈......跟住佢哋就係度估我鍾意邊個，呢個唔係重點，重點係竟然俾佢哋估啱左！！！我就下定決心死口唔認，一副英勇就義嘅樣。最後，佢哋竟然同我講﹕

我哋玩下啫，你又何必咁認真﹖呵呵~~~

我暈....

真係服左佢哋...

 ---聽日我就要返大陸「飲」喇！雖然話有啲累，但係可以返我以前間小學探吓啲舊同學，我都幾開心架！都成五年幾喇，唔知佢哋仲記唔記得我呢﹖

不過，我知道就算所有人都唔記得我，佢都一定唔會忘記嘅......

---今朝當席嗰陣無端端俾某老師鬧囉，又話我六愛點解咁嘈，又冇風紀。我點知啫，我以為蕭振榮縮左係一個角落，所以冇留意囉。至於咁嘈，我唔係懶得話，我係尊重佢哋，都就黎畢業咯，唔好傷和氣啦！點知轉個彎就嘈到俾老師聽到，搞到我俾人鬧......各位同學，你哋唔好搞到我咁難做好唔好啊﹖畢業之前，我都唔想擺風紀長高高在上嘅款俾你哋睇架~~嗰個老師仲話我係度睇貼堂嗰啲畫囉，佢有冇唸過佢以前帶嗰班風紀點架，日日係度講野、玩，佢都唔理，而家風紀唔係佢帶，就成日係度雞蛋裡挑骨頭！我真係頂唔順佢囉，日日係度「睥」住我，好似唔抵得我啲英文成績好過佢班咁喎......我生平都未試過咁憎一個老師.....

今日情緒有啲唔係太好，希望聽日可以忘記呢件事啦！

 唔~~啱啱訓醒啦！！！

考試真是很累的說......

想必上了中學一定會更累吧，有點擔心喔~~~

今天的英文還不算太難啦，應該沒甚麼大問題~~

明天開始就比較輕鬆了，

最後一次考校內試，希望能取得好成績吧，

希望你也是~~~

有點兒捨不得呢，考完試，就代表我們已經逐漸踏入畢業的階段了......

唔，希望大家也能一起加油喔！

我永遠不會忘記各位好朋友的！

......

 無驚無險，又到十二點~~~

---今日啲試題，我覺得幾簡單囉！特別係寫作，啲題目都出過嘅~~~總括黎講，我今日都感覺良好，好開心啊！！！

---放學嗰陣勁曬喎！我仲要去當席啊~慘~~返到黎個頭都暈暈哋，唉，飲多啲水先~~咪中暑就好「瘀」喇......

唔，係時候要奮鬥啦！各位GG,MM加油啦！^^

 今日，心情大好！( 傻笑中... )

- 聽日F.A有得攞獎啊！英文F.A竟然第一啊！超開心的說！！！雖然是以一分之差打敗莊某，可是真係好有成功感架！不過我真的諗不到第二是佢囉！唔，睇黎我要開始多多留意喇．．．放馬過黎啦！！！我 K.M.Wong 一定奉陪到底！！！呵呵∼∼∼

- 聽日我有新眼鏡啦！好開心啊！至於效果係點，大家拭目以待啦！大家對我嘅新造型要俾多啲意見喇！

今日就講住咁多先啦！

See You!!!