今日...

-TSA啊！不過唔知點解抽唔中我囉...我真係超想考架...係畢業嗰年為學弟學妹作啲貢獻都好呀...唉...抽中嗰啲都超廢囉...(我哋班)，我嗰陣真係好唔開心架...睇黎下年嘅弟弟妹妹真係慘啦，有班咁廢嘅師兄師姐影響佢哋下年嘅派位，我都唔知講咩好......我最唔想見到嘅就係呢間小學因為收生不足而被殺校，不過我竟然唔可以為學校出一分力，我真係好想見到我嘅母校以後人才輩出架，唉......

-童軍嘅時候睇呀袁景輝同蕭振榮嗰啲上網打機，第一次睇人打機嘅我好有興致咁睇足全場，不過我真係覺得打機會好暈囉，都唔知點解佢哋可以捱咁耐嘅...放學嗰陣，呀袁景輝係咁灌輸呢「打機至上」嘅思想俾我，真係俾佢吹到...聽呀謝尚志講呢，今日六愛有個人俾佢塞左張紙入口，真係好慘啊~~(我絕無任何幸災樂禍嘅成分)，不過我想像到個樣真係好好笑囉....呵~

我發覺我真係越黎越唔捨得間學校喇(當然仲有咁多位同學啦！)，我成日計緊仲有幾耐就畢業，唉...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

畢業嗰日，就係我哋講再見嘅日子，所以...我真係好想擁有多啲同你一齊嘅回憶，唉...希望緣份始終會令我哋再見啦！

 今日，詹Sir借左本數學書俾我睇，都幾好睇啊！反正我都未睇過呢類型嘅書...

舒偉同馮顯輝分左手啊...今日成日馮顯輝都好灰咁，真係好可憐啊！原來失戀嘅感覺真係咁痛苦架，希望我唔會好似輝哥咁啦~~其實我覺得舒偉一早對馮顯輝冇感覺架喇，佢哋行埋嗰陣都冇野傾，雖然馮顯輝對舒偉係好真心，但係舒偉一直都唔係咁着緊馮顯輝，佢哋都預左會有今日架啦，不過係時間問題啫...反而舒偉佢好似咩事都冇咁，真係睇到都覺得慘~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我問過我兩個死黨對於你同我嘅睇法，一個話你係唯一一個襯得起我嘅男仔，如果其他男仔嘅話，對比起就相形失色...另一個就話其實我同你唔係幾襯，都唔知你有咩值得我去愛...

其實，就攞舒偉同馮顯輝黎講，佢哋睇起又真係好襯，不過最後都係分手收場。其實愛唔係講襯唔襯，最緊要嘅係真心。

有人話我太痴心，人一世唔會只係愛定一個人。但係我覺得如果真係兩情相悅嘅，呢樣野就一定唔係問題。就算我點我都唔會忘記你嘅，即使當我哋都大個左。

我到幾時會唔愛你﹖

...

直到你唔再愛我嘅嗰日...

日日係課室門口見到你經過時，都心情大好~!

見到你開心，我自己都會好開心，即使係上緊堂都特別開心~(自己係度傻笑...)

你經過嘅時候，我就扮睇唔到你，其實見你一次，我成日就會好開心架啦！

所以，講左一大輪自己都覺得好花痴的說話.....

我都係想...

你多啲同我一齊...

好嗎﹖

呵呵~~~

 今日係最後一堂奧數堂啊!都幾開心啊！不過周子樂俾袁景輝搞到喊，真係慘，嗰個袁景輝真係好「乞人憎」，我打左針之後仲要笑我......

講開打針，打針我反而覺得冇野，嗰支飲嘅野就真係苦到......恐怖......我寧願打兩支針都唔想飲嗰支野...唉......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

其實，你知唔知我要揀女校...我知你同我都好想係同一間學校，但係始終都會分開，所以，我揀左女校，因為我唔想第二個男仔取代左你嘅位置...雖然就算我真係入左男女校，我都唔會變心，但係，我始終都唔想對住啲男仔，除左你...所以，我揀左女校...我希望你明白...我都好想你入到男校，但係我唔可以咁自私...所以，你想點就點啦...

 今日諮詢左幾個Best Friend嘅意見，佢哋都一致話尋日嗰件事唔係我想像中咁嘅，

咁都好啲...應該係一場誤會啫...

見到你個慘樣...我想嬲都唔得啦...

咁...

我K.M.WONG就係度宣佈寬恕你啦！

呵呵...

心情大好...