今日媽咪放左工之後買左煨番薯俾我食啊，好開心！
我係幾時開始鍾意左食煨番薯呢﹖應該係我農曆新年返大陸嗰陣掛。嗰日，我同公公婆婆大姨媽大姨爹表姐Martin哥哥......拉大隊去七星岩度玩，突然，我聞到人陣令人陶醉的味道，我就不停咁根據氣味黎搵出源頭(我突然覺得自己好似隻狗...)，終於俾我係入口附近搵到一攤煨番薯嘅流動小販，佢啱啱攞緊啲熟左嘅煨番薯出黎，嗰陣香氣真係太誘人啦！不過唔知點解冇人識欣賞，佢哋唔係聞唔到陣香味，只係行過望幾眼就繼續行，而個小販就係度自己煨，我見到咁香竟然冇人買，不禁感到義憤填膺！於是拖住同我一樣咁為食嘅表姐去喇，跟住我哋成隊人就去買番薯啦！個小販見到竟然咁多人黎，就開心到不得了，即刻挑左幾個又肥又大隻嘅番薯俾我哋，我哋都幫襯佢唔少架！跟住，我哋就一齊一路行，一路食番薯。
係冬季食煨番薯真係一種享受，一股暖流從手心傳遍身體，輕咬一口，一陣煙霧從金黃色的番薯中飄出來。不小心咬得太大口，燙熱的感覺加起甜甜的番薯，令人回味無窮......
好像扯得遠了點......
香港仔有一個專門賣煨番薯嘅公公婆婆，大概係係嘉諾撒培德隔離嗰條巷仔啦，得閑可以去試吓呢個特色的街頭小食啦！
|
