對不起，剛記起我明天不用考試(休息一天)，所以又回來打blog了...(無言)

今天考的英文，都挺容易的吧...特別是寫作，只是寫e-mail而已，做完整份卷還剩下35分鐘啊~不過還是做q.c一樣死命的找出錯處來，總算沒有浪費了時間，希望可以拿得高分吧~至於昨天就考了中文(拿手耶~)，感覺還不錯，寫作的題目就是二選一，我選的還是比較擅長的描寫文吧~題目好像是「令人心醉的(香港地方)」，有點老套啦~不過比說明文好，甚麼介紹一件「有趣的玩具」嘛...我都不玩玩具，要我怎麼寫啊~~~所以自然就選了描寫文。星期五就考地理了，這次考的東西很多啊!!!所以明天就是大好機會去溫習啦~

最近經常覺得自己成了一部讀書機器，考試期間的那狀態，我也不知道自己如何辦到的，好像只是為讀書而存在的。不過，難道現在的我不是嗎?雖然，我的目標也有釵h，但我很清楚自己現在的焦點應該放在學習上。中國的那些高考生，我也聽說過他們的情況，好像就是可以溫書溫得不吃飯，不休息，22小時都在溫習的，我自然不能達到他們的死讀書狀態，那對我是沒有用的。我比較喜歡有理性、有系統地讀書，不過他們的那種情神真的很令人佩服，不像現今的大部分中學生，整天在荒廢光陰，套用社評的一句話﹕女的都想做梁洛施，男的都想做陳振聰~哈哈~可真貼切。如果香港的學生不珍惜自己的優勢，不思進取，不出幾年，中國的大學生就會取代了香港學生的位置，畢竟他們的競爭力是很強的。

說了一大輪教，就說回我自己吧~我真的好開心可以在一年內認識那麼多朋友，上至中六，下至中一，我都認識了不少。學業方面，上學期我取得了achievement，就是全級25名內，至於25名內的第幾學校是不會公佈的。我也感到很高興，因為這間學校真的競爭很強，而大家都是從一流小學集中起來的，而我的小學差不多沒人聽過~不過非常非常開心的是，當我說自己的小學不是名校，成績很差時(對不起吶，校長)，同學就會說﹕「如果真的那麼差，就不會有你那麼勁的學生啦~」我post這句話出來不是用來自吹自擂，只是我覺得自己做得好是我們可以為母校做的一件事來的~大家都要加油喔~

嗯...還有甚麼可以說呢...

啊~就說說我去交流的經驗吧~我在二月參加了一個中文辯論的工作坊，是和皇仁書院合辦的~中一就只有我，Tiffany和另一個同學參加，這個workshop真的很有用，學到很多有價值的知識，使我愛上了辯論，也打了我人生的第一場正式的中辯賽，開始只抱着姑且一試的心態，怎知竟然給我拿到了最佳辯論員...(= . =)，所以，我下年的目標之一就是參加中辯隊!!!! 所以現在已經在摩拳擦掌，準備中一班際辯論賽了，放馬過來吧~1D~我不會讓親愛的class spirit分白白流失的!!!!!呵呵呵~~~(轉回正題...)也很高興認識了皇仁的同學﹕中四的Eric，中二的Wilson同埋中一的(死~忘記了名字!)同學~特別是Wilson，教了我很多東西~和大家合作都很愉快啊~

手開始累了~今天就打到這兒吧~~

你們的cm是我繼續的動力!!!

唉~成半年冇打blog啦~~

我真係好累好累...

如果上帝俾多人生中的多個24小時我...

我一定會攞曬黎訓覺....

不過都同大家講聲對唔住...

經常唔打blog...

真係好唔好意思~

而家考緊試...

可能得閑講返呢個學年發生嘅所有事...

ok?

Thanks for everyone's support~

考試...

加油啊!~

不知不覺，已經有足足兩個月冇打過blog啦~ 呢度可以用「被荒廢」的詞語黎形容...

而家先知，原來係band1頭名校讀書係咁辛苦嘅，尤其係入左精英班，每日都有大量知識灌輸，返黎就成日係度整理返，做下pratice，溫返啲筆記，晚晚都搞到好夜訓...雖然開頭嗰個月真係幾辛苦吓，不過而家已經完全適應左啦~而且孜讀得好開心。唔知大家又習慣左中學嘅「生活模式」未呢?

開頭我都驚會識唔到朋友，因為得我一個人去讀，但係而家已經識左大半班啦~其他班嘅都識，大家交流吓，小息一齊玩，lunch就一齊食飯，真係好開心啊~~佢哋都好勁架，好多鋼琴八級，又有大提琴八級，長笛八級...我真係好渺小啊...有小小自卑...有啲屋企係講英文，出去狂補習，有啲係書香世家出身，有啲屋企就屬小康類別...有好多人都係阿爸阿媽揸靚車送返學放學，我咪係度欣賞囉~對於家世呢樣野，我雖然唔及人，但係我絕對唔會自卑﹐因為我知只要我讀好我嘅書，我將來仲會出色過佢哋好多倍，我係抱住呢個信念黎返呢間學校嘅，我都預左會有好多無論成績、音樂、體育或者家庭條件比我優越好多嘅人，但係咁唔代表我一定會差過佢哋，雖然我可能係某啲方面超越唔到人哋，但係我知我點都會出盡全力，向同一個目標前進架!

講左咁多野，講返我間學校啦~我哋一上中英數就要走去其他課室上堂，模式同大學有小小相似。咁點分精英班呢?基本上，班別係冇分排列嘅次序嘅，不過我哋會分組黎上中英數，組別排列如下﹕

Division:  A (精英班) > B > C > D (輔導班)

咁如果有一個數學天才，佢數學非常非常勁，但係英文非常非常差，而中文就屬中上，咁佢嘅分組情形就會係:

中文﹕Division B

英文:   Division D

數學:   Division A

明白啦?~

所以堂堂我都要執拾細軟，走去1A嘅課室上堂，如果不幸漏左野係自己嗰班，咁就算你有做，都... 所以，每次撤離都要執好行李先...

唉，打得好累啊~遲啲再打啦~( 遲啲~可能要遲一段時間喇...)

 好耐冇打blog lu~因為之前嗰四日都返左大陸同公公慶祝八十大壽，係我嘅故鄉搵返唔少童年回憶啊~不過呢啲野都係遲啲先講啦.....

聽日就係8月23日，有冇人記得係咩日子呢~算啦~我諗都冇人記得架喇...

聽日就係我13歲生日喇~

不過竟然係一個橫風橫雨嘅日子，本來諗住去海洋公園玩架~只好擇日再去啦~

算啦~係屋企靜靜哋感受吓大自然嘅威力啦~一個打颱風嘅生日...

p.s. 係度都祝羅x聰生日快樂啦~因為佢同我同一日生日，不過遲左一年啫~

唔~轉入正題...

係fd嘅就留個cm俾我啦~大家始終都相識一場~~無論係大定細嘅cm，我都會好感動架!!!

 呢個係今日打嘅第二篇日誌~

心情好差，放幾張畢業典禮嘅相俾大家睇下啦~

上面嗰張係MARTIN哥哥整高個腳架，再ZOOM埋去，好辛苦先影到架(因為坐得後)，大家留意下最左手面嘅徐耀宗個表情，好搞笑啊~(講笑啫~可能佢太興奮喇~前一晚訓唔好~所以~ ^^ )

呢張都係ZOOM到最近先影到架~級學業成績優異獎~