今日去左踢波，好開心。
踢左冇幾耐就仆左第1次街，
損左隻手。
之後去左食野，
食緊個陣不斷俾人嚇，
簡直精神崩潰。
之後隻右腳唔知點解冇曬力。
再去踢波個陣就因為咁而仆第2次街，
損埋對腳。
之後淨係靠隻左腳踢，但係好廢。
好彩到最尾隻右腳冇事。
踢到6點買野飯走人。
聽日朝早去唱k，
之後過澳門慶祝聖誕，
一定好充實。
尋日6點就要要起身，
8點去到中環幫JA個攤位佈置，預備11點開始的銷售。
到中午去左食m記
跟住番去JA行下，
係其他攤位買左好多野，一個袋，幾個file同一隻啤啤熊（大出血）
之後陪周佩文去左尖沙咀買聖誕聯歡的禮物，行左兩個鐘，
又去city super，又去muji，又去HMV，好累，完完全全體驗到主席的偉大。
最後過番海去灣仔利園同屋企人食飯，好好味
10點半先番到屋企，成個人散曬！
今日訓到11點先起身，
唔夠一分鐘電話響，
唔知係邊個打黎，冇聽。
之後on msn，有人同我講係鄭一鳴打黎，叫人番去JA
其實唔係好想番，結果都係換左衫番去。
番到去12點30，呆坐左15分鐘，
之後同我講你可以去食飯啦，下午唔洗再番！
o曬，咁我番黎做咩！(超無奈)
食完飯去打檯波過時間，打完去左m記hea，
之後番屋企。
唉，一日就咁浪費左
）
