今晚睇左一篇文章,當中提及我地班,講到我地miss(黃詠文)的無奈,為左同學不去謝師宴而傷心流泪。一般人都認為係miss錯晒,搞到個班咁樣。就連miss都開始覺得係唔係自己過去哩年做得唔好。其實老實講miss的確有一定責任但亦唔可以將全部責任歸於佢。在哩個問題上,我地應由我地班個架構去剖析。但咁并不表示miss冇錯。以下即將一一分析:
第一,班主任未能進其功用,我地班主任若講係一個老師,更似一個街市煮婦,基本上天天能夠見到佢同啲女仔吹水,就連上堂時都經常停下吹埋啲無哩頭野。很多時miss的對人態度和方法不太公平,首先對女仔會比男仔好,不過佢係女性,這點不難理解;再而對經常奉承的人較好,比如說一些特別提點和便利提供,這一點和許多劇集差唔多;還有,早讀課,中飯後,放學後這三個公認為與學生接觸的最好時機,佢係邊?佢真係咁忙?佢有苦衷何不說?因為我地唔會明?佢唔講我地更加唔明。但我疑惑:點解佢朝早正係睇報紙?當隔離班阿sir同佢班學生溝通時傳來的嘻笑聲,喧嘩聲難道miss聽唔到?無可能,因為我地班都咁安靜,就算真係聽唔倒,那股氣氛總不會感受唔到挂!放學後點解成日早走?有陣時我真係好羨慕隔離班,佢地阿sir經常會抽時間同佢地玩在一起,食在一起。佢地班唔相熟的人比我地班多,但在佢地阿sir的連繫下,同學彼此嘻笑怒罵,好聚好散。為人師表埋就好似隔離班阿sir咁。一個學生來校讀書唔單只為學習,仲係為一個交友的機會,而班主任的出現正是為連繫一班學子,唔係我地返屋企自修埋仲好!唔知miss哭個陣有無想過哩啲問題。
第二,班中人圏子太多。我地班的小圈子很多,每人至少有一幅假面具。開始時,有三個圈子,女仔分成兩圈,男子成一組。而後來班中關係開始發生變化,女仔成三圈,男仔分兩批。男人一向比較率真,大致上問題不大,有的也是零星一兩個。然而女仔間的關係卻十分雜亂,今天可以是好姐妹,明日可以是仇家。人前感情好得不得了,人後互相中傷。在班中個個都知,但都唔講。就因為那句[明哲保身],每個人都不想受人冷落,孤立。長此下去,一個班又如何团結。
與miss食飯隨時都得,但如果話一班相聚,我想大可不必,因為到時每個人都依舊以一幅假面出席,甚至同坐一桌而彼此面左左就唔好啦。我信冇人可以保證哩啲事唔會出現,假如miss重視各位同學點解唔係以前花多點時間同大家相聚,而独為{謝師宴}落泪。如果是真心,我信彼此不見依舊挂念,謝師亦不在一時之門面。更何況考試將近,老師不為同學學習緊張,反而為謝師鋪張,這又是那一門的現實..... |
