今早，我把握機會睇埋最後一場我可以睇既棒球世界大賽總決賽，結果洋基係一度被費城追平4-4既情況下，係最後一局連取3分贏7-4，總局數領先3-1。

放四日假，咁岩就係要番學既星期六上午冇賽事，簡直係天意。如果我唔睇就對唔住個天。

我覺得我係洋基既褔星，睇左三場，洋基贏足三場，上星期四果場要番學，冇睇，結果就被費城狂數6-1，仲要係主場添，洋基簡直應該請我去做佢地新既吉祥物~~哈哈~~

聽日又輪到費城既皇牌投手Cliff Lee首發，上一場就係佢令到洋基差D就一分都冇。如果聽朝費城贏左，就起碼要打多場，否則，洋基聽日就可以開香檳慶祝。

聽日測化學，奮鬥左一個下午先僅僅ok...食完飯繼續...好在唔洗測Bio，如果唔係死俾佢睇...