返鄉下既時候，我既表姑(唔係好老架咋，只係輩份高...)帶左佢個仔黎我祖父母度拜年，佢個仔，我表弟，今年兩歲幾。
從我祖父母與父母同我表姑既對話之中，我表弟之前應該都黎過，而且我應該係在場既，
但係唔知係佢太細個(？！)定係咩原因，我對佢毫無印像...
(佢真係好得意~~哈哈~~我唔識點形容...)
但係咁樣並冇妨礙我地"一見如故"(用詞不當)，佢一黎到就攬住全盒(多層式)之中裝瑞士糖既果格唔放，但係自己又唔識撕開D糖紙(哈哈~~)。
於是佢就搵我幫手，而我亦冇拒絕。係呢個時候，好過癮既事發生勒，佢嚼左一陣，
就將變到好林既瑞士糖(理論上應該係)吞左落肚，隨即又示意我整多粒...(仲唔多識講或者係唔多肯講野)
過左一陣，我拋一粒杏仁上去，然後用口接(姐係食)番。佢又有樣學樣，但係，就將粒杏仁拋到冇雷公咁遠~~然之後就好燦爛咁笑~~
又過左一陣，我將一個橙當足球咁"滴"左幾下，然後將個橙俾佢。各位認為接下來會發生咩事呢？
佢將個橙貼住佢大脾，然後一野頂走個橙~~(當然，個橙最後係我食番，都幾甜，唔錯~~)
再過多一陣，我將佢(我表弟)抱起，舉到最高(我既)，佢就笑到gag gag聲~~哈哈~~
咁樣玩左一陣，同表姑同行既表叔(表姑個細佬)個女朋友話想去探下佢個同鄉(佢係四川既)，
而我既祖父母亦都好贊成，話人在他鄉，唔容易。
就係咁，佢地就走左勒。
PS：我另一個表哥，同呢個表叔個名有一個字一樣，個女朋友又係四川既...我個人認為佢地(果兩個川妹子)有D似樣...但係表哥果個靚D~~ |
