2009-12-31，好明顯，係2009年既最後一日(廢話...)

回首09，我由F4升到F5，攤上乜ray同noble做英數既老師，對比F4既何sir同阿鐘，簡直無語...唉...

呢一年，發生左好多野。(不過其實年年都發生好多野架啦，你估有咁多萬曆十五年咩...)

美國總統選左個黑人出黎；金融海嘯既影響仲未消退；H1N1爆發，席卷全球；索馬里海盜依然橫行，等等等等。

但係，呢D國際大事，好多都關我X事，除左H1N1，搞到我呢幾個月既星期六都要返學，簡直痛苦。

最關我地事既，好明顯就係雙慶同政府"回水"啦，政府出錢，請我去威尼斯人玩左一晚，遊船河、睇太陽劇團、食自助餐，下一次，就要等多十年。

至於一D"小"事，於我亦都好難忘，包括：攞到粵華第一塊標槍獎牌(我知道之後感到哭笑不得...)、再次攞到朗誦二等獎、六月既果單"血案"(依家諗起都仲心寒...)...

最難忘既，當然就係有得去北京啦，識到好多朋友，亦都見番失散多年既朋友(係呢度，我要多謝中央政府，多謝澳門政府，多謝科普基金，多謝自然博物館，多謝我既父母，多謝粵華中學，多謝型sir，以上因素，少一個我都去唔成~~仲有，對唔住勒，Hinson~~)

展望一零，我既首要任務就係考好GCE(唉...)；其次就係係學界度奪標(我要雙料！！！)

[有D野呢~~就唔出得街既~~咁所以就唔講勒~~]