今日幫阿sir手做野，因為我係"編外人員"，阿sir既"私兵"，為左方便我做野，佢將佢個牌俾左我~~上面寫住：「統籌、檢察長」~~我高升左~~哈哈~~

我估呢兩日令我印像最深刻既野就係發生係今日。我同另外四位領袖生組成一個小組，負責中午時份係運動場外圍"勸導"進行違規活動既同學，

所以今日中午既伙食，就由校方幫我地搞掂，點知Jammy幫我地整個"咖喱牛腩飯"...辣到飛起...我地一人隊左兩支野飲都食唔晒...個個食到流晒眼淚...

EDI話唔知既以為因為學校請我地食飯，所以我地感動到喊................................................

真係...點解D咁既飯會賣得出...好似係度食炭咁...食完之後個胃同食道好燒著左咁...

而曾sir因為要上control room辦一D事宜，所以一開始佢就無視碗中成尺深既辣油，將碗野倒晒落盒飯度...

於是我地就講笑，話佢實係忙得滯，再度無視D辣油，將盒飯食晒，而家係廁所痾緊辣油~~我覺得我地有D衰仔~~

今年，我成功咁完成一次角色轉換，由運動員變成工作人員~~