我有個問題...  唔知應該點好...
但將問題打咗喺另一個blog到...
http://blog.qooza.hk/HeLeNcHeUnG

上去睇下呀..  睇完之後留個言俾下意見呀
真係唔知點好呀

好開心呀!!  因為今日係我o既生日!!
可能有d今日先知，因為我唔多講過嘛...  不過如果成日講o既話.. 我覺得我會幾煩架.. 所以咪唔多講lor..
好多謝Candy同埋Heidi, Yan, Mary, etc....(因為太多，所以唔清楚有咩人夾份送) !!!
多謝你地送禮物埋我呀!!

今日朝頭早，我同慧玲，黃天佑，form 6個姐姐一齊上台sell 閱讀計劃
老實講呀，真係好驚自己上到去唔記得要講咩，台下面又有咁多人望住喎...
某d gap位呢... 好似無人笑..  最多咪係form 1 lor...
不過最好笑果d好多都睇唔到，因為我地練o既時候先至係最好笑架
例如黃天佑試做包大人，下下拍枱拍到好大聲(如果入埋咪o既話...  支咪實爆...  哈哈!!)
跟住勁大聲講野，笑到我死咁制

上咗幾日堂... 我好佩服Nelson同Calvin Chiang...  佢地上堂果陣時好留意老師o既口頭禪
仲要搵張紙記低講咗幾多次!!    o.... 

聽日就去旅行,,  三十一號先返...
但係..  我都未做晒功課!!  哈哈!! 
點算好呢??  我想試下帶功課去旅行做!!  因為,,  我未試過!!

死喇...  瞿俊僖話過關於跟佢私人學果到要星期三問喎...
但我人又唔喺香港..  點算好?!?!?!
唯有希望Kristal會泥睇我個日記喇
如果上咗o既話...  幫我講呀!!  我星期六得閑呀!!
最好順便留個言呀!!! 
如果..  冇上o既話...  唉..  都唔知佢幾時on...  好煩呀...

係咪因為好耐無打日記,,  所以無咩人留言呀??

如果係o既話... 我衣家就打返喇!!

十一十二號o既時候--->> 去左感恩會

講真架!! 果日真係好好玩架!! 雖然我有d時候走鬼左... >3<

夜晚果陣o係三樓果層到望天,, 望下有無星星

結果見到兩粒呀!! 哈哈!!

十二號果日走o既時候就跟左Joanna去教會

我覺得教會入面d人都幾好,, 係唔想聽d人講道姐...  好悶..

十四號就去左同Mrs Kan一齊食lunch

去左大久保到食,, 食過之後,, 我發現網上面o既所講o既野係o岩架!!

真係麻麻地下...

不過呢我地幾個人就玩得好開心  有Natalie, Zoe, Ken Tong, Gordon同Kenneth

跟住去朗豪坊行呀行.. 又去左附近間seven到hea

結果又o係seven到走返出泥.. 因為.. 我地幾個人俾人bea!!

我送埋Natalie去搭車之後就即刻行返去玩鼓..

好彩.. 就算遲到都唔會俾人話    況且我唔係最遲果個..

果堂幾好玩架!! 阿sir成日俾人笑!! 尤其係班男仔 ,,  勁講阿sir

今次係個個有份架!!  個form 1 Tommy就成日係o甘笑  人地唔笑都會笑!!

十五號果日去[目弟]牙

我係o甘跑呀跑,, 追到班船,, 但搞到我對鞋甩左鞋帶

綁好之後望下個鐘...  呃...  四點九咋bo...  我係[目弟]五點四bo...

早知就唔追喇!! 追唔到都唔會遲到!!

唉...  有早知就無乞兒喇!!

希望可以多多留言!!