哈哈~ 終於到左試晚裝系列啦!
第一件出場係淺紫色的，大家都覺得唔錯
不過Sales姐姐話太淺色，影相出來效果無咁好
第二件係粉紅色，個Sales姐姐都係個句，太淺色啦~
會太近我的膚色，唔係咁好
第3件，係深紫色的，夠晒色，一定唔會再話我淺色啦 
仲影埋後面個 Pat Pat 位~
第4件，係新款來的，都係紫色，我在3月個婚紗展都見到行Catwalk Show
後面個款係咁樣架!
第5件都係有紫色的，都係3月的Catwalk Show新出的款式
個Sales行開左，我地就係咁影相，哈哈!!
後面係咁樣的，同前面差唔多，都係咁樣有銀色的斜落去
有兩件個Sales姐姐唔Prefer我試，因為我choose得太淺色
就幫我拿了一些其他佢覺得唔錯的比我試，第6件係紅色，會唔會太深色呢?~
第7件係橙橙地色咁，sales姐姐話影相從唔同的角度會影到唔同的顏色
媽咪佢地就說個胸部的位置個花紋好似唔知點咁，怪怪的
後面個款....
第8件係藍藍地色，個個都話幾好睇，著得我好醒目咁，真0既?~
後面個款係咁，又係幾有層次感，同埋我都著得好靚，好Fit個身型，你地覺得呢?~
第9件都係sales姐姐拿出來比我試，佢話夠深色
係就係真係夠色， 不過咁大個蝴蝶0既?!
試晒佢拿出來比我的款，我打算換番衫之際
原來媽咪&Christine同Sales姐姐講叫佢比我試埋淺色個兩件衫衫，咁我就試埋啦~
第10件出場，哩件都係阿Sa有著過的，我著就覺得無左條腰，唔多得
第11件都係話淺色，不過我又幾鍾意個款，都唔錯呀~ 公主來了
佢又行開左，我地又係咁影相，影下影下，我仲係度玩，行左行右，扮行Show咁，哈哈~
第12件都係媽咪&Christine見到，叫個sales 姐姐比我試埋
著起又真係幾靚靚wor，她們真係有眼光
第13件，也是最後一件，係個sales主動比我試埋的
個款都幾靚，我覺得影出來同婚紗都幾似
其實我試左咁多件衫衫，都係用左一個小時多一點
因為個sales姐姐換衫換得好快手，我試完一件出來，都未照完鏡
佢就話影張相 (當然係用佢個部機)，影完就叫我去換第二件，所以咪咁快囉!
跟住就齊齊座係度睇相，去Choose返要邊3件來影相
我們都商量左成個鐘先決定到，都係我心大心細
最後都有了結果，仲幫襯左要個頭花
個sales姐姐話花球自己預備都得，但頭花就一定要
因為佢話會靚好多的，咁就加左$180要左啦~!!!
之後唸返，其實佢都有頭飾比我影相，點解要買頭花呢?!
不過算啦，都買左，希望那天影出來的相相靚靚，咁就乜都抵返晒! |
