今日係十五，是中國情人節，放工到太子始創中心
牛仔約埋阿sun、阿健、flora一起(WHB的同事)去始創看酒席
因為阿sun係咁讚佢個佈置靚靚，那位宴會部的姐姐好多細節都企硬
就連結婚蛋糕(真蛋糕)無得送，請柬無得送，席前粉麵又無得送
車位叫佢比多點又話始創個場細，得兩個車位
任飲優惠又無得減，真係有點失望
但見佢有我地的大好日子，我地又鍾意佢個紅色禮堂，最後都係定左哩間
牛仔比埋訂之後，又話要我地比$160 買他們12個壽包
買完又無比番張單我地，可能我地兩個都係霖，易比人呃啦~ 下圖的其中6個包包
之後我們就一齊到朗豪坊的簡單廚房食dinner，唔知點解好似無乜開心0既感覺?
係因為中國情人節無得二人世界? 定係因為覺得佢的同事係度玩玩下咁呢?!
食飯時好似自己一個人咁...好孤單 
可能最近都係忙於睇酒席的事，個人訓得唔好，精神唔好，所以心情都唔好掛.......
牛仔以前的同事們...
瑞士雞翼，好多毛呀~~ 一碟得4隻，好彩我地叫左兩碟
辛辣魷魚，份量好少呀~ 好彩我都食左兩條
海鮮天使麵配龍蝦忌廉汁
日本元貝茄汁飯，茄汁味好濃烈
帶子茄汁意大利粉
蒜香牛柳黑松露菌意大利燴飯，係軟飯王係列，個飯真係好軟的，好味道!
牛扒飯，牛都幾好，飯就硬身的，一般
不過講真，份量真係好少，女仔就0岩，男仔一定唔夠
|
