哈哈我好似永遠都係件事過左好耐先打日記，

其實我今次唔想咁架……因為QOOZA好麻煩又要升級，

遲D要換日記至得啦，因為唔知佢個SERVER幾時會DOWN-.-

不過唔只呢個原因既，其實都計劃左好耐架啦！

曾經唔只一次有人同我反映過，

有D人鍾意睇人地每人發生過D咩事，

而唔鍾意好似我日記咁只用書面語形式去表達感受。

雖然我唔係一個會為左迎合別人而改變既人，

但我都發現每次日記都係打D感受真係好悶=.=

所以呢……我決定遲D會開多另一個日記板用口語方式敍述每日或隔日發生既事，

而呢個日記板將會不定期更新抒發自己既感受。

不過呢D都係暫時諗住先，實行？我心血來潮就會做啦XD

講番究竟我12/12做過D咩啦！！

今日算係我近期過得最充實既一日，

早上七點半左右就起左身，

八點半就到左九龍塘火車站，不過俾人騙左，

MOMOKO小姐約八點半但佢差唔多八點九先同ALAN一齊黎到，

好在唔係等左好耐就有人陸續咁黎左陪我，

九點多先上旅遊車出發去所謂既「馬屎洲」。

落左車之後就有兩個「導遊」－阿丁同野人帶住我地周圍行，

咁大個女都係好似第一次行山，

UM……感覺良好，而且仲嫌路程太短啦！

行下停下咁，沿途不斷介紹四周既花草樹木，

都係而家先知有「山水」呢樣野……石頭都會出水？！我真係孤陋寡聞！

不過本日最大既得益係……

ALAN上車爆左句「我而家先知馬屎洲係一座山囉！」，我認同！

明明果度有個石碑話以前叫「松仔園」，

而且有路牌寫明果度叫「大埔"較"」呀，俾MISS又騙多次啦！

十二點幾就番到九龍塘，

本來只係諗住同佢地食埋野就返屋企沖涼、換件衫，

點知有人突然提議唱K，

咁就打消左返屋企既念頭啦……鬼叫自己鍾意玩咩-.-

哈，估唔到我地班D人都幾懷舊，

鄧麗君呀、BEYOND呀……相逢何必曾相識，

最搞笑係仲瑋首「情深說話未曾講」，一入去就點但BY RANDOM等左好耐都未到佢，

終於取消BY RANDOM先到佢唱，佢真係要SOLO啦∼KAKA

唱唱下歌，發現K房裡面有戲睇，

「THE MATRIX」以前聽人講得多但一次都未睇過，今次終於係果度睇左D，超正！

睇完左發現MOMOKO、阿民佢地玩「何家公雞何家猜」，

結果加入戰團，笑死，根本玩玩下就會亂哂唔知自己出緊咩！

唱到六點幾埋單果陣已經諗住走人，

點知仲瑋同我講埋完單好快CUT歌先大家一齊走，

好吧，又係衰貪玩搞到七點先黎CUT歌走人！

奪命狂奔寺去車站搭1A，去到剛好趕得上班車，LUCKY＾＾

返到呂中，差唔多七點半大家好似已經燒左野食好耐咁，

呵呵……自己冇咩點燒過野食，多數都係搶人地既。

成晚同5D D人有傾有講咁……平時少同佢地講野既人我都不斷咁撩人講野，

我好似變左隻「開籠雀」咁多野講=.=

不過好鍾意呢種暢所欲言既感覺，我已經好耐冇試過咁啦！！！

始終都係5D好，起碼同你地一齊我唔洗咩都驚∼

驚講錯野串親人、得罪人，係IVE講句野都真係諗過度過先敢講，好煩！

所以係IVE果陣我覺得果個根本唔係我，

因為我講野一向都唔多經大腦，

但我發現原來我連做野都唔經大腦，令到CCH成晚經歷左唔少黑仔野…哈∼SORRY啦！

5D例牌BBQ完都會去食糖水，

今次搵左幾個地方…最後去左APM果到食，又貴又唔算特別好味！

食完糖水就去機鋪打機，

我覺得我自己真係冇咩打機既天份啦，但狐狸超勁！

佢一定有一部太鼓機在家，日日不斷咁打XD

而AUNTIE經過今日已經迷上左去機鋪打機，

你要小心呀！小心沉迷左落去翻唔到身呀你

玩到十二點AUNTIE返去先，之後冇幾耐我地都走LU！

返到屋企，「開籠雀」收唔到聲呀……拉住CCH陪我傾電話，

哈∼發覺5D D人好多人都有所改變，

CCH唔錯呀你…睇到你有咁既改變，身為朋友我都替你開心呀！

有D人既改變令我覺得好驚……訝，

好似校長咁，而家咁多野講又識講野試圖搞下笑咁我真係問句「你係邊位？校長呢？」

仲有D人變到好奇怪……但又講唔出奇怪係邊？

不過每個人有既改變就係成熟左，

雖然有D人爛GAG仍朗朗上口，但感覺上我都覺得佢地係成熟左。

（程程！你絕對包括在內架雖然我成日話你講野好低B∼KAKAKAKAKAKAKA）

成日都聽人講中學同學會係可以KEEP得最耐既朋友，

我好認同架……所以我好珍惜同5D一齊既時間、好珍惜同你地之間既友誼，

我唔保證可以永遠，但我絕對會用心去維繫架，

總之我儘量會避免發生會影響我地之間感情的事情啦！！！

以下既人聽住啦∼

就係……就係…登登登登……程程、AUNTIE、阿嬋你地三個呀，

雖然前一陣子我對你地發左好大既脾氣，SORRY啊∼

其實因為我係真心當你地係我最好既中學同學、朋友所以先會咁！

以後我會慢慢改下我既臭脾氣架啦

總之，我想講一句「5Dほ人，你們是最好的，知道嗎？」

PS：仲有早一陣子，我要多謝果日知道我唔開心問候我既人，

LAM HIN FUNG、阿SIM、CCH、LONG YEE、KIKI （太耐了！暫時只記得呢D）

令好DOWN既我知道我唔係冇朋友，仲有你地當我係朋友咁關心我，

總之真係好多謝你地，謝啦！

呀……仲有今次日記用口語形式，習慣嗎？

請留言…問題是：日記以口語還是書面語形式好呢?   （拿拿拿！唔留以後唔再打日記呀！）