今日7點起身,我平時7點20分先起身嫁...

本來諗住去麥當當買早餐食,但係就黎趕唔切,所以都係冇買到...

差唔多8點個陣,西瓜突然打俾我,問我有冇蔡蔡屋企電話,

佢話等左蔡蔡好耐都未落黎......

我話等陣,即刻搵.......搵到電話之後西瓜已經cut左線......

係屋企等西瓜消息......之後略過啦..

返到學校...好多人囉,點解唔上課室等呀?!!

你知唔知我拎住包炭周圍行好辛苦呀!!!

之後等旅遊巴...

我地係第二班中獎喎...超lucky!!!!

估唔到去石澳搭一個鐘多d就到,

不過個地方真係好隱蔽囉...

沿途仲有見到中西式墳墓,歌連臣角火化場

不過之後有golf場,超正!!!

明明我地係第一班f.3走,

點知3B仲早過我地到...

去到即刻擺野,有個人勁好心咁問我地要唔要枱,

我地話好,佢比完兩張枱我地之後話"40蚊"

我同陳文薏即刻o左,跟住陳文薏問"要錢嫁??"

最後我地要一張枱,收20蚊......

之後起爐...

瞎都知我係最大份個個啦!!我諗點都係我起嫁啦...

但係其實我都未起過爐嫁...我係漁排bbq係用火槍起爐,炭精都唔洗放

不過唔係我起邊個起...其實我係到扮型,用打火機個陣其實d火係燒到我......

Miss黃問我係唔係女童軍,我梗係唔係啦...冇興趣呀!!之後結果我係起唔到

之後有人踩我地場,我地本來有7個人,跟住之後陳翠x話可唔可以加多幾個人一齊燒,

點知有成10個人囉...我地即刻面露不悅...之後佢地知難而退...

之後唔講陳x微啦...好憎佢

燒野食幾好味啦...

燒完落沙灘玩...d沙好幼好細呀!!!超正!!!

同倩兒散步......阿仔,傑哥,奶豐&葉xx佢地玩手球,

邦仔,知你手球勁,但係你洗唔洗成日玩呀...

傑哥同阿仔唔知做咩,阿仔勁激動,之後佢地黎左場沙灘追逐戰...

以傑哥既身型,阿仔P.E.既強勁,

阿仔幾步都追到傑哥...之後傑哥俾阿仔用靚沙埋左....

之後我地全部人玩埋一份,全部人都中晒,

但係我諗冇人夠我勁囉...比佢地搞到成個頭都係,d沙又入晒我件衫到,

我件衫係冷衫黎...d沙有入冇出.....

之後傑哥請食雪糕...YEAH!!好味呀!!!!!!!!!!!!!

之後著番鞋,上去汁埋野就走......

d沙都唔知係邊到黎,一路搭車d沙係咁出黎

勁眼訓,每次一訓著,後面成班又係到笑!!煩死!!搞到訓唔到!!

好羨慕奶豐係咁既環境下都訓到.......

之後番屋企即刻沖涼,未沖都搞到成地沙.........