琴晚同super,燕燕,慧ming,阿賢,皮蛋,老昌同埋清哥加埋八個人一齊去bbq,
一開頭去左大元買野食先,每人夾50,周圍買.....
燕燕真係好似成個阿媽咁,跟住佢買唔洗擔心...
買淨幾蚊,真係good到爆!!!
之後行去明星個到搭車去大美篤,清哥鬼死咁耐都未到,就叫班男仔上車先,去起爐,
等左好耐巴士先有架...跟住搭搭下,竟然見到張加俊,咁夜先返屋企既....
我地搭到一半打俾班男仔佢地話岩岩先到,起緊爐...耐到咁,我地等車都等左起碼15分鐘啦,
不過我太醒目,俾晒d野食佢地拎,偏偏我就唔俾燒烤叉佢地,
所以佢地起到爐都只可以呆坐,冇得食...
之後搞掂晒就即刻開始,今次燒得最relax,最開心....
大家係到傾計,傾完又係到笑笑笑....
又唔係燒得好快,只係老昌一個快姐......
燒到十點幾差唔多十一點,d野都已經燒晒,得番一塊麵包,真係岩岩好!!!!!
之後大家一齊汁野,汁完就玩啤牌,開頭佢地玩鋤dee,兩次都阿賢win....
之後成班一齊玩killer,老昌好似死左...玩左一陣轉玩"come"綿"toy",仲有加一減一,
哈哈.估唔到我咁勁,一次都冇輸過,win左!!!
再轉玩7級珠,老昌勁衰,玩到唔知好似5級個陣,
突然有個私人電話打俾皮蛋,跟住佢係到"喂喂喂"
之後老昌笑,原來係佢打俾皮蛋,引佢講野,
跟住我地成班笑死晒,估唔到佢會用d咁既方法...........................
不過呢d陰招,冇理由要同老昌同grade既.....
玩完呢個又玩番come綿toy,仲要係加二減二,
超難玩,大家都要hold一陣先敢拍....
皮蛋成日都睇左加一減一,笑死...
最後好似佢輸,要同老昌跳sorry sorry,
佢地兩個跳都唔好睇既...之後阿賢陪佢地跳先精彩!!!!段片擺左上fb lu...
玩到12點幾就閃啦.....冇巴士搭,又要搭恐怖既小巴......
我同老昌送super番屋企先,之後老昌再送我(佢都冇得唔送我,住我樓上...)
沖完涼成兩點幾三點先訓得,今日6點幾起身去整passport,
低能左,訓遲一個鐘去都得.....都冇人
好眼訓呀....我驚今晚跳舞會暈...... |
